影片
更多
2018-12-01
377 瀏覽
為左滿足我想飲酸尾尾既野，男朋友提議食泰國菜，真知我心。係路德圍果到見另一間排晒隊而呢間門口又大大隻字寫住全單七折，我地諗都唔洗諗即刻向接待姐姐示意兩位。餐廳係樓上鋪，行幾級樓梯就到。入面好闊落，啲檯全部都大大張，岩一班人黎食，而我地就坐左卡位。每次食泰國野基本上都唔洗點睇餐牌，因為我地目標好明確，叫黎叫去都果幾樣椰汁雞湯 - 細 （$88）呢個湯叫Tom （湯）Kha（南薑）Kai（雞），其實同冬蔭功湯差不多，都係酸酸地，不過冬蔭功會用辣椒膏同埋蝦，所以湯底較紅，而Tom Kha Kai就用椰青水、椰奶同雞。因為我唔太食海鮮，同埋我鐘意椰味重既野，所以通常都係叫呢隻多過冬蔭功。今次呢個湯係細size，足夠斟到4碗。因為一路滾住，好夠熱。味道就偏酸，椰奶既味唔係太覺，秀珍菇同啲雞都幾多，加埋啲香茅吊下味，話咁快就飲晒，仲愈飲愈開胃添。泰式大蝦金邊粉（$88）當我諗住將啲花生撈落麵到果時，發現啲麵碎濕濕，碎到連用叉不起都跌返晒落隻碟到，未食已經係到complain😂心諗點食呀實好淋啦，仲要咁大碟。丫點知食落又唔係咁woo，個粉仲係好彈牙，配埋芽菜、豆腐乾，有多重口感。味道都適中，唔會太酸
餐廳係樓上鋪，行幾級樓梯就到。入面好闊落，啲檯全部都大大張，岩一班人黎食，而我地就坐左卡位。
每次食泰國野基本上都唔洗點睇餐牌，因為我地目標好明確，叫黎叫去都果幾樣
椰汁雞湯 - 細 （$88）
呢個湯叫Tom （湯）Kha（南薑）Kai（雞），其實同冬蔭功湯差不多，都係酸酸地，不過冬蔭功會用辣椒膏同埋蝦，所以湯底較紅，而Tom Kha Kai就用椰青水、椰奶同雞。因為我唔太食海鮮，同埋我鐘意椰味重既野，所以通常都係叫呢隻多過冬蔭功。
今次呢個湯係細size，足夠斟到4碗。因為一路滾住，好夠熱。味道就偏酸，椰奶既味唔係太覺，秀珍菇同啲雞都幾多，加埋啲香茅吊下味，話咁快就飲晒，仲愈飲愈開胃添。
泰式大蝦金邊粉（$88）
當我諗住將啲花生撈落麵到果時，發現啲麵碎濕濕，碎到連用叉不起都跌返晒落隻碟到，未食已經係到complain😂心諗點食呀實好淋啦，仲要咁大碟。丫點知食落又唔係咁woo，個粉仲係好彈牙，配埋芽菜、豆腐乾，有多重口感。味道都適中，唔會太酸，有啲蔥呀雞蛋呢啲配料一齊炒，連埋花生碎，好香口。又係開胃菜黎！不過蝦就唔洗抱期望，都係咁啦。
黃咖哩牛肉（$88）
睇個樣已經好失望喇，好似快餐店果啲ABC餐咁，又細兜。可能好似金邊粉咁食落又好味呢...第一啖食青椒，好有大排檔既味道，第二啖夾左舊牛肉，切得好細塊好碎，食落好有咬口，幾un下，薯仔有幾舊，冇咩特別啦唔洗講。精髓來了，就係個汁，用黎撈個蘇餅，個汁都衰埋，好淡好淡，係得小小咸味同椰味，咖哩味又唔係好食得出....呢碟麻麻地。
香油蘇餅（$36）
明明餐牌寫住4塊，點睇都係得3塊。我地叫左侍應黎問佢係咪漏左，佢解釋話之前係4塊，因為將1塊分為2，宜家3塊係比之前多。其實我理得你之前係點切，宜家眼睇就係3，根本就誤導食客...當然到最後佢都冇補返塊俾我地啦，好唔忿氣！我叫個經理改返個餐牌...冇可能咁樣同個食客講！
塊蘇餅係飲緊湯既時候已經黎左，可能攤左一陣，啲油瓊晒係到，同埋唔再脆，曬左添。
Total叫左4樣野$24x，都真係幾抵食，過下口癮呢間係選擇之一，不過如果要食質素的話，就唔洗選擇佢喇。
張貼
