影片
更多
2009-07-16
10 瀏覽
今日想搵間比較安靜的地方食晏.正午十二點,見新城市地下其他餐廳都出現人龍,見呢間價錢貴啲,勝在冇咩人,就呢間啦.點知咁就中招.都係自己衰,如果平時留心吓openrice就唔會搞成咁囉.今日叫咗:1. House red wine一杯, $482. 燒牛肉pizza set lunch, $683. 焗羊肉飯set lunch, $78以上價錢係大約,加埋一就$216,結論係我一毫子貼士都冇俾,可想而知有幾不滿.個set lunch包括餐湯&餐飲,個待應話今日餐湯係西蘭花忌廉湯,老公一向唔鍾意飲忌廉湯,咁我多口問句有冇其他選擇....例如意大利菜湯或沙律.....其實都預咗佢冇架啦.....待應答話冇之餘,仲要好自豪咁話我地餐廳個主餐牌都淨係得三種忌廉湯,冇其他!我心諗,你地自己話係意大利餐廳, 意大利菜湯都冇, 係個廚懶定係冇料到呀?假如呢個時候走人,咪唔會有接下來的失望囉.1. 先嚟兩個湯,明顯地一碗係50%full,一碗30%full,都算啦,反正老公都冇咩興趣飲,但點解碗西蘭花湯白雪雪ge? 湯面浮住幾粒莞茜碎,飲落口,有幾粒豬肉,完全冇西蘭花味...都算....最攞命係碗湯的溫
正午十二點,見新城市地下其他餐廳都出現人龍,見呢間價錢貴啲,勝在冇咩人,就呢間啦.
點知咁就中招.都係自己衰,如果平時留心吓openrice就唔會搞成咁囉.
今日叫咗:
1. House red wine一杯, $48
2. 燒牛肉pizza set lunch, $68
3. 焗羊肉飯set lunch, $78
以上價錢係大約,加埋一就$216,結論係我一毫子貼士都冇俾,可想而知有幾不滿.
個set lunch包括餐湯&餐飲,個待應話今日餐湯係西蘭花忌廉湯,老公一向唔鍾意飲忌廉湯,咁我多口問句有冇其他選擇....例如意大利菜湯或沙律.....其實都預咗佢冇架啦.....待應答話冇之餘,仲要好自豪咁話我地餐廳個主餐牌都淨係得三種忌廉湯,冇其他!
我心諗,你地自己話係意大利餐廳, 意大利菜湯都冇, 係個廚懶定係冇料到呀?
假如呢個時候走人,咪唔會有接下來的失望囉.
1. 先嚟兩個湯,明顯地一碗係50%full,一碗30%full,都算啦,反正老公都冇咩興趣飲,但點解碗西蘭花湯白雪雪ge? 湯面浮住幾粒莞茜碎,飲落口,有幾粒豬肉,完全冇西蘭花味...都算....最攞命係碗湯的溫度只係比室溫高少少,如似煮好好耐然後再攤凍咁,番熱都懶,你話死唔死.
仲有仲有,飲咗兩啖湯,發覺少咁樣嘢,點解冇跟麵包ge?問個待應,佢話我地冇提供麵包架,你要的話要另外點, 加$10
我都係第一次食意大利餐...或西餐...飲湯要麵包要另外加錢的,你唔好去搶,當然係唔要啦
2. 羊肉焗飯,炒底上, 係呢餐唯一及格, I mean only 及格, but not outstanding.
3. 燒牛肉pizza, 幾片燒牛肉放在pizza上, 好似好有創意,但其實幾片冇味燒牛肉同個pizza貌合神離,好似搭枱咁,味道無厘啦更, 完全唔及格.
除咗食物唔掂,間餐廳啲服務都超唔友善.
當時餐廳得兩成滿, 我地揀坐裏面, 貪佢幾十張吉枱夠靜局, 初初得我地兩公婆, 食到一半, 有兩個女仔入嚟, 成間餐廳鬼影冇隻, 但個待應就帶兩個女仔坐正_我_地_隔_離, 我知咁樣啲待應做嘢方便,但就完全冇俾空間人地, 只顧自己就手, 行多兩步都懶!
我老公的反應竟然即係起身,自己行去第二張枱坐 (事實上成間餐廳都係吉枱, 坐邊都得), 唔係因為嗰兩個女仔嘈, 係唔滿意啲待應貪方便的心態.
我老公出名臭品, 俾著平時我會鬧鬼佢, 但今次我覺得好合理. 衰就衰, 反正呢間嘢我諗都冇下次.
張貼
