水木日本料理 (已搬遷) 新店位置

今晚同個好耐好耐無見既朋友食生日飯，知道佢最鍾意食日本野，又唔想請佢食放題之類嘅，喺灣仔附近搵到呢一間算係幾正宗嘅日式餐廳，決定試一下入到去發覺有幾枱顧客都係日本人，即刻對呢間餐廳信心大咗，店員好殷切咁介紹佢一啲時令嘅食物，最後我哋兩個都接受佢嘅推介首先黎既係北海道薯仔沙律同埋川蝦蝦乾，食物黎左店員就好親切咁解釋北海道薯仔有咩咁特別，同埋點解選擇川蝦，比其他人蝦有咩好處，希望我哋享受美味食物嘅同時可以認識多一啲，個薯仔沙律感覺好清甜而且份量都唔少，薯仔味好濃，好香，亦都比出邊食到嘅滑，不錯。另外個川蝦大小適中，而且亦都有好濃嘅蝦味，亦都比出邊一般食到嘅櫻花蝦乾更加香同有肉另外我哋再叫咗一 set 刺身，刺身感覺好新鮮，例如三文魚係用日本出口嘅三文魚，而且深海池魚同立魚既魚味好濃，最特別係佢側邊一啲叫白海草嘅配料原來都可以食，雖然冇乜味，但係好爽口，好特別，亦都增長左知識另一樣店員介紹嘅就係鰤魚魚鮫，我最鍾意食佢個魚皮，好脆口，另外魚油好香，有好濃郁嘅魚味，店員話鰤魚每年得幾個月係當做，而且外面比較少餐廳會選用，所以介紹我哋選擇，所以冇介紹錯最後我哋再叫多一個甜品，番薯雪糕，番薯味唔會太