蒙麵

營業中

休息中

呢間車仔麵喺紅磡好出名，每次經過都會見有好長嘅人龍排隊堂食/外賣。傳聞呢間鋪嗰老闆好串，但實情係老細對食物好執着，佢會堅持做好每一碗麵，親自下廚，確保食物質素，我覺得食物質素比服務重要。況且，佢所謂嘅串只係門口寫d 串串貢既野，佢主要時間係廚房煮嘢，其實無乜機會接觸到，而侍應態度好正常。講返食物，車仔麵來講，我好少食，因為覺得啲嘢味道撈埋，唔會有乜特別。今次食完有啲改觀，覺得車仔麵，每樣餸有自己嘅味道都幾特別。我叫咗三個餸，分別係魚餅、豬手同埋辣味魷魚，配油麵。另加花甲、叉燒。以上食物最推介係豬手，非常入味，南乳味超重。魚餅係泰式嗰款，有啲辣，我覺得冇乜特別。辣味魷魚就好爽口，但係唔係好入味，表面有啲辣。花甲都算多，好清甜，唔覺有沙。佢好貼心咁比左隻碗裝殼。而叉燒就燒得好香，肉質有咬口，可以接受，畢竟只是$32一大串。