彩雲南 (已結業)

2019年5月29日 女朋友接了一個JOB在銅鑼灣附近， 難得我又得閒， 就直接在工作地點附近找了這間食雲南野的食店。 門面富有中國特色， 入到去同樣做得古色古香， 連水吧都做到中國的風味。 LUNCH的餐牌選擇其實唔多， 相反，飲品比較多特色飲品。 我們點了雲南酸辣/手撕雞/紅薯粉 配 點子咖啡， 和呈貢牛肉/麻辣雞米線 配 奶茶紅豆冰。 雲南酸辣/手撕雞/紅薯粉 酸辣味調配得唔錯， 唔會過酸或過辣。 手撕雞做得不錯， 雞肉滑得黎亦都入晒味， 紅薯粉有嚼頭， 配上酸辣味夠出。 點子咖啡 飲品的確做得唔錯， 咖啡味香濃之餘亦唔會太甜。 呈貢牛肉/麻辣雞米線 牛肉調得好入味， 切既大細亦易入口， 麻辣雞是四款配料當中做得最好的， 即使浸在湯中亦無損麻辣的味道。 奶茶紅豆冰 消暑的聖品， 甜蜜軟糯的紅豆配上香滑的奶茶， 稱得上是絕配， 非常好味道。