凱柏冰室 (已結業)

海之戀自己行咗好多次，但因為今日唔想食得咁飽，所以就揀咗間冰室來做晚餐。入到去餐廳啲侍應即刻幫我哋探熱，抗疫工作做得幾好。晚餐最特別嘅係竟然有常餐食！我同媽咪嗌咗一個常餐包括丹麥麵包、丹麥餐肉、炒蛋，再加一個牛肉蕃茄米粉！再加埋飲品都係$55，真係好抵食！個人覺得佢嘅炒蛋真係炒得好滑身，而且配合埋丹麥麵包，食落去個口感同平時喺其他茶餐廳食嘅好大分別，而且更加容易入口，又唔會好乾身！最後我哋都叫埋一個鐵板燒，除咗有薯條、腸仔、火腿、粟米、配菜之外，仲可以揀多兩款嘅主食，所以我哋就叫埋西冷牛扒同雞扒。佢啲薯條揸得啱啱好而且唔會好油個人覺得佢嘅西冷牛扒肉質幾好，而雞扒都好厚身，食落去啲肉質好嫩滑。