影片
更多
2018-08-21
197 瀏覽
話說細佬前兩日放榜，所以特登book咗枱請佢食返餐勁嘅賀一賀佢。今次我地去食嘅就係呢間Master Kama，位置相當方便，我地從旺角地鐵站行咗幾分鐘就到啦。間餐廳係一樓，行入去發現雖然地方唔係好大，但係的的骰骰，整齊企理得嚟，都坐得幾舒服下。嚟之前聽人地講過下呢度嘅賣點係芝士同埋龍蝦，於是我地就嗌咗Lobster Mac N Cheese 同埋Master 分享盤，而嘢飲方面就嗌咗一杯凍檸茶同埋一杯Good-nite, Dear嘅Cocktail。 首先嚟嘅嘢食就係Lobster Mac N Cheese，我地就揀咗Macaroni長通粉，如果唔鍾意食通粉既話，可以揀risotto。碟嘢一拎上枱我地就已經聞到好香嘅芝士味，同埋見到隻龍蝦鉗。撩一撩開面頭啲芝士，除咗可以做到拉絲嘅效果之外，另外就係會見到粒粒分明嘅龍蝦肉，可以見到係十分之足料嘅。食落亦都係好有芝士味，唔會太膩之餘亦都唔會太鹹。正正係呢種芝士味，同埋啲咬落煙靭彈牙，口感Q彈嘅龍蝦肉夾埋，簡直係絕配。而啲長通粉亦都好有芝士味，唔會好淋。整體嚟講個Lobster Mac N Cheese Macaroni係喺水準之上，非常之唔
今次我地去食嘅就係呢間Master Kama，位置相當方便，我地從旺角地鐵站行咗幾分鐘就到啦。
間餐廳係一樓，行入去發現雖然地方唔係好大，但係的的骰骰，整齊企理得嚟，都坐得幾舒服下。
嚟之前聽人地講過下呢度嘅賣點係芝士同埋龍蝦，於是我地就嗌咗Lobster Mac N Cheese 同埋Master 分享盤，而嘢飲方面就嗌咗一杯凍檸茶同埋一杯Good-nite, Dear嘅Cocktail。
Lobster Mac N Cheese
$208
25 瀏覽
0 讚好
0 留言
Lobster Mac N Cheese
$208
15 瀏覽
0 讚好
0 留言
Master 分享盤
$168
11 瀏覽
0 讚好
0 留言
首先講下啲炸雞翼先，啲雞翼本身已經算係大隻，炸完之後都唔覺乾身之餘，加埋係面頭嘅芝士絲，係會食得出兩種唔同嘅鹹香味，同埋出面脆皮、入面仍然好juicy嘅感覺。所以我覺得啲炸雞翼係喺水準之上嘅。
至於個三重芝士雞肉烤餅，驟眼望落去已經見到兩塊烤餅之間有好多溶咗嘅芝士。食落去除咗好有層次感同埋好濃郁嘅芝士味之外，亦都有唔少嘅雞肉係入面。而塊烤餅本身淋淋地，加埋塊烤餅上面嘅沙律醬同埋番茄粒，食落唔會好乾身之餘反而幾fresh下，整體而言係幾好食嘅。 
然後就係啲章魚燒，面頭加咗啲紫菜條落去，增添咗一啲和風之餘，粒小丸子唔會好粉或者好淋，食落去又幾有口感。
芝士條面頭炸到幾脆下，入面啲芝士有少少流心，咬落去又脆又香，芝士味好香濃。
跟住就係啲雞軟骨餃子，原本我地都以為只係普通嘅餃子皮包住啲雞軟骨，但係估唔到竟然係炸過嘅雞軟骨 ，同埋個餃子係煎過嘅，有少少似鍋貼。咁樣令到隻餃子皮脆得嚟，入面啲雞軟骨亦係又脆又香，所以係非常之好食。
最後係用個籃裝住嘅炸薯條。啲炸薯條雖然唔算係好脆，但係都算係唔錯。有D特別既係佢除咗有薯條之外，仲有比較深色D既蕃薯條，食落比薯條多了一份蕃薯獨有既甜味。分享盤亦都附上兩種醬汁用嚟點薯條，無論係邊一隻醬汁都同薯條好夾。嘢飲方面，杯凍檸茶睇落去好平常，但係杯嘢嘅特點就係個茶底，佢澀得嚟又有啲紅茶嘅香味，加上冇落太多糖漿之下，杯凍檸茶又唔會太甜，反而突出咗檸檬嘅酸味同埋茶底嘅澀，整體配合得非常好，飲落係有種好fresh嘅感覺。
而杯cocktail方面係由朱古力糖漿加入去啲酒到，然後面頭再加入棉花糖，令到杯cocktail飲落去甜甜地得嚟又有酒味，再加埋面頭嘅棉花糖令到我哋可以一路飲cocktail一路食棉花糖，更加有質感之餘，亦都增加咗杯cocktail嘅味道同埋層次。呢餐我地人均消費都只係二百五左右，但係以食物質素同埋份量嚟講都幾好，所以其實都幾抵食。加上地點咁就腳嚟講，我個人覺得大家可以不妨一試。
MENU︰
張貼
