松屋

營業中

休息中

終於去食「松屋」了，隔咗一段時間，熱潮過咗，門口無人排隊，直入仲可以隨意揀位坐。香蔥溫泉蛋牛肉飯［ML］（$58）有少少失望，唔知點解，牛肉個醬汁好咸，撈埋蛋汁同飯一齊食先勉強中和到（啲牛肉本身嘅味道應該無咩問題）。L size 嘅牛，份量好足，夠多可以食到最後一啖飯（另外洋蔥都唔少，甜的，唔辛辣）。月見山藥泥牛肉飯［M］（$48）呢款啲牛肉嘅味道就正常好多。山藥話係日本產，味道正常。飯係秋田米，粒粒分明，口感唔錯，但米香一般。日本三大牛肉飯，「松屋」係我嘅首選（於日本計），而香蔥溫泉蛋牛肉飯亦係我至愛，但可惜香港店令我有丁丁失望。