Ocio (積存街) (已結業)

大女話一齊食午餐，我哋唔想喺區內食，但係又唔想坐咁耐車，就揀咗搭幾個火車站嘅大圍小店其實呢度都唔係第一次嚟，好鍾意門口嘅藍色門，仲有一格格嘅玻璃窗。小店走工業風，磚牆，大黑板，烏絲燈膽，仲有貫徹門口嘅藍色做裝飾。揀咗兩個set lunch，先來大蒜薯仔湯， 唔會話好一般嘅紅湯，白湯，好味西冷牛扒伴燒汁配意粉，牛扒表面燒得好靚，食落好香牛味，我哋要求七成熟，剛剛好，唔會話好生，但係又唔會話過熟，易切，啱曬我哋嘅要求，仲配咗新鮮沙律菜漢堡扒煎蛋窩夫早餐，一嚟到我哋即刻心心眼，擺得好靚。 漢堡扒絕對係水準之作，切開唔會話又淋又散，味道濃郁，煎蛋賣相也很好，蛋黃剛剛熟，仲有窩夫，腸仔，蕃茄，沙律菜，茄汁豆，好豐富呀見到可以用$39追加五隻蜜糖蒜香雞翼，好抵喎，即場製作，新鮮熱辣，蒜香加上蜜糖，冇得輸，非常惹味，雞翼裏面仲好嫩滑 Set lunch包飲品，加$19配特飲，阿女叫咗杯Mocha，阿媽平時唔係好飲咖啡都嗌咗杯Latte嚟襯返佢，好香咖啡味。本來我哋見到個餐牌仲想叫甜品雪山，不過真心飽，唔好嘥嘢，搵日再嚟過啦。