千樂燒味餐室 (已結業)

出開去灣仔，見呢間好多人食，應該有保證，一於入去試下啦。午市時間去超多人呀，好彩好快有位。嗌咗個燒鵝叉燒飯。配菜青瓜有驚喜，酸酸甜甜好開胃。例湯入面有瓜有肉。唔會淨係得湯水。原來隻千味醬可以買返屋企嫁，仲可以做埋善事添。叉燒厚切，肉質肥瘦適中，咬落去好有肉汁。燒鵝皮脆肉嫩，咬落去仲好重油香味添。點埋燒鵝醬，更加可以帶出肉味。咁岩同老闆娘傾開，原來佢地有做開慈善家每個星期六日都會派飯，一間有人情味又好味嘅餐廳。