京香餃

營業中

休息中

係西營盤無無聊聊玩尋寶遊戲, 行行下見到間京菜餐廳就令我諗返起以前出差既日子, 於是就諗住入去食d野. 一入到去有幾位食客, 整個感覺好純樸俾人一種舒服既感覺。有位老伯伯幫我地落單, 另外有位姐姐問飲唔飲山楂茶見好耐無飲就叫左2杯。第1碟菜好快上到, 我地急不及待即刻食因為一睇就知係傳統做法。肉質算唔錯, 汁既咸度適中(本身我食得清淡)第2碟羊肉餃, 好大粒好抵食不過無咩羊味第3碟牛肉炒麵熱辣辣雖然味道係一錯不過勝在大大碟(食唔晒)第4樣酸辣湯就真係麻麻地雖然料既份量好足但係飲完無果種回味無窮既感覺整體感覺間餐廳好乾淨, 隔離枱食客多數都係年青人(見到佢地叫碟頭飯)低調純樸, 我鍾意。