陳儀興玫瑰餐廳

營業中

休息中

天氣凍好想打邊爐，睇過好多地方終於有心水就揀呢間，呢度好多款湯底，想食既基本上都有，今次我地係門口就見到黨蔘鐵棍雞煲湯底，好想試下佢雞肉肉質唔硬好鮮嫩，老人家同小朋友都食到，佢地仲好鐘意食，覺得雞肉好好食，湯底仲可以飲埋，焗一焗飲好香濃雞味，好鮮甜既湯，好耐無飲過咁好飲既雞湯湯中仲有黨參紅棗。打邊爐食材唔少得豬肉丸，見到有黑松露豬肉丸揀，即刻揀黎試下先黑松露香味超濃，我好鐘意食黑松露，所以特別鐘意食，肉質口感好，而且都幾大粒足料，絕無偷工減料鮮蝦雲吞一樣好大粒，餡料多皮又簿，每粒都有蝦肉同豬肉，我地都好鐘意蔬菜一定要揀既，所以都揀左幾款菜食，有勝瓜，娃娃菜，金菇菜，雞脾菇，生菜係跟埋雞肉既另有鮮魚片，薄薄一片超易入口，好鐘意既口感仲有彈牙烏冬，材料都好新鮮仲有清熱羅漢果茶好貼心有一位侍應叔叔好想讚下佢，對小朋友好友善，而且對我地都好有禮貌，上菜快之外亦有求必應，因為好少公開稱讚職員，可見係一間好有人情味既店舖，所以不用考慮會再黎幫襯！