利豐打冷小廚

營業中

休息中

平時去飲茶多數都幫襯酒樓，今次就去左係黃大仙地道啲舊式啲既東菇亭飲茶。呢間利豐打冷小廚，地方都幾大，有室內外，係舊式大排檔風味。呢度好多街坊幫襯，個個都同呢度姐姐打招呼，好親切。呢度點心都算多選擇，成廿幾款點心，直接去蒸爐揀點心。我地越食越開胃，兩個人食左，蝦餃、燒賣、蝦腸粉、鳳爪、鮮蝦韭菜餃、牛肉球同鮮竹卷。款款點心都好足料，自己特別鐘意鳳爪及韭菜餃，鳳爪好入味有好香濃，碟底芋頭索哂啲汁好味。而韭菜餃做到皮薄多料，蝦肉鮮甜，調味適中，正。