California Pizza Kitchen (已結業)

今晚同事請食飯，地點都已經選好，是環境一絕的尖咀California Pizza Kitchen。有幸被請的我，對選址當然唔會有異議，準時到達，坐定定等食就好了。點菜方面交番俾主人家話事，佢同另一同事商議一會後，吃什麼東西大概已經有定案。先來Half portion的凱撒沙律，份量其實也不算小。蔬菜幾爽脆，飽粒亦是脆卜卜的，加上微酸的醬汁，幾醒胃的。另要兩份生菜飽，自已包，餡料份量自便。像中菜的一味餸，西餐廳也可吃到。雞肉炒至香口，生菜是同樣的爽脆，醬汁只少少辣，味道正合我個人口味。兩款特色焗春卷分別是墨西哥及地中海風味，外皮比較韌，什麼雞肉、豆蓉等餡料亦未見出色，而果醬又不合本人心水，只屬一般；牛油果卷相對比較理想，起碼外皮焗得鬆化，雞肉、辣肉腸和牛油果的配搭得宜，挺惹味的。簿餅肯定唔少得，揀左鮮芒果烤雞肉薄餅，雞肉香，芒果不過酸，紅椒洋蔥爽口，再配以微辣的sauce，是有水準，這個批也是我全晚最滿意的一味。食物唔算太出色，不過加上靚景和relax的氣氛，也很滿意。可惜沒有機會品嚐呢度既甜品，下次再來食過吧！最後，要多謝慷慨的同事請既呢一頓飯，cheers!