韓淼莊 (已結業)

是咁的，韓淼莊呢間野係朋友介紹我去，咁岩今日同女朋友去開大角嘴就第一時間醒起呢間食店。裝修好,服務好,衛生好,呢D廢話唔使多講直入正題講食物啦。得罪講句，韓淼莊既炆牛肋骨真係世界級。牛肋骨又夠淋又香，連作為配料既冬菇同蘿蔔都炆到非常入味，我唔知係咪韓國正宗風味,但就非常之岩我口味。另外仲叫左個烤豬肉，都係相當好味。講左咁多形容詞，係時候講吓性價比。兩條友兩個餸叫埋杯野飲百三蚊有找，仲要樣樣野都好大份，食都食唔晒，當連鎖既太X/X華食個頹飯一個人都起碼70蚊既時候，咁樣既價錢，咁樣既食物質素，咁樣既份量，咁樣既服務，係今時今日既香港仲可以去邊度搵?正所謂無圖無真相，係時候貼吓圖:"企理"既門面我推介米芝蓮班友下次黎大角嘴試試佢大份足料利申:真人真事,非FF