貢茶 (已結業)

夜晚約咗朋友喺中環食蒸氣海鮮，但我來得太早，佢哋個個都未到，唯有我自己周圍行下先啦，發現利源東街呢邊地下，開咗好多間台式茶飲店，包括有一方台灣水果茶，天仁茗茶，同埋我最愛嘅貢茶，咁就諗都唔使諗就行啦，呢度好易揾。睇吓飲咩先，忽然醒起琴晚打完邊爐，個口苦苦地好熱氣咁，咁就叫鮮奶仙草凍啦，聽講仙草就好似我哋叫嘅涼粉咁，有清熱下火嘅作用，但仙草就冇我哋嘅涼粉咁硬骨骨，同埋叫仙草一定要叫凍飲，佢冇熱飲嘅。