影片
更多
2023-06-20
618 瀏覽
街坊小店理應有啲人情味，但係漁鱻爺爺話俾食客既就係另一種體會。OpenRice book左7:45pm, 3位, 計埋我地共有三檯。Table for 3️⃣1. 涼拌萵筍絲2. 醒胃手拍青瓜3. 頭抽大海蝦4. 花膠老壇酸菜魚（小辣）加料：紅薯粉、金菇菜、海帶結、萵筍飲品：凍檸檬薏米水x3一坐低就俾左壺茶同茶杯俾我地，可惜個杯太污糟。我地啲女人仔唔敢飲，唯有叫特飲。食物就一般般：🐟酸菜魚🐟口感滑滑地，但味道有啲工業感覺。🦐頭抽大海蝦 🦐大家睇相都見到唔係大海蝦，仲有幾隻好霉。蝦仔過左油，係香口既；不過成件事就同頭抽同大海蝦無關係。🤵♂️服務🤵♂️收工時間係11pm，10pm未到就眼望望，叫加水一粒聲都冇出。睇黎係阻住佢地收工，所以10:30pm未夠我地都醒水出去埋單。由埋單到講「唔該」離開餐廳，佢地都係木口木面冇出聲。 大家一出餐廳，異口同聲咁問：佢地咩事呀？呢間餐廳冇加一，但收茶錢。食物同服務都唔會令我地再幫襯。
OpenRice book左7:45pm, 3位, 計埋我地共有三檯。
Table for 3️⃣
1. 涼拌萵筍絲
2. 醒胃手拍青瓜
3. 頭抽大海蝦
4. 花膠老壇酸菜魚（小辣）
加料：紅薯粉、金菇菜、海帶結、萵筍
飲品：凍檸檬薏米水x3
一坐低就俾左壺茶同茶杯俾我地，可惜個杯太污糟。我地啲女人仔唔敢飲，唯有叫特飲。
食物就一般般：
🐟酸菜魚🐟
口感滑滑地，但味道有啲工業感覺。
🦐頭抽大海蝦 🦐
大家睇相都見到唔係大海蝦，仲有幾隻好霉。
蝦仔過左油，係香口既；不過成件事就同頭抽同大海蝦無關係。
🤵♂️服務🤵♂️
收工時間係11pm，10pm未到就眼望望，叫加水一粒聲都冇出。
睇黎係阻住佢地收工，所以10:30pm未夠我地都醒水出去埋單。
由埋單到講「唔該」離開餐廳，佢地都係木口木面冇出聲。
大家一出餐廳，異口同聲咁問：佢地咩事呀？
呢間餐廳冇加一，但收茶錢。
食物同服務都唔會令我地再幫襯。
張貼