牛扒先生 (已結業)

同朋友去沙田shopping 做一日沙田友，行到無哂力，又忘記左用app 拎位，成件事真係灰爆。但奇蹟出現了，睇多幾間，mr steak有位！於是就衝去！四個人叫3個餐，有湯有沙律有扒有粉，有野飲。先黎係4粒scone，味道ok，但質地較硬。再黎上左個沙律，普普通通，無咩特別。我地有兩個湯，一個洋蔥，一個松露湯。兩個湯質地好水下，味道都係偏淡。三個main courses 分別係蟹肉餅千層面、燒雞拚BBQ骨同牛排。蟹肉餅煎得香脆蟹味濃，好食。但個千層面雖海鮮料多，但面地焗到溶爛，食到麵粉味，汁同芝士多d可能會好。至於燒雞肉嫩，但個骨有燒酒味，明顯用酒醃到過左龍。而作為專食牛排嘅專家，7成未到肉質已經偏un，肉味淡，汁亦淡，有些失望。總括而言，價錢比一般西餐貴d，但質素未有更好，勝在有位。返食指數3粒星 (最高5粒)。