影片
更多
2008-09-30
288 瀏覽
午飯時間響和宜合道徘徊,正在躊躇唔知食乜,突然睇到有張橫額寫住「無敵豬扒,絕世牛扒」,嘩!咁誇!行近一睇,真係笑死,一間up dup到行過都唔會望多眼嘅食肆.唉!你以為講得誇張就有人幫襯咩?但又真係坐滿人噃.好,就俾廿零蚊睇吓有幾無敵,絕世.叫咗煎牛扒米粉,凍檸茶($25),價錢幾平.飲品一到就要扣分,叫凍檸茶就嚟咗凍奶茶,,唔好抝,經驗話俾自已知,響呢D地方抝就攞嚟衰,算啦都幾好飲.出菜都幾混亂,一路等一路見好多人追單,好彩我碗好快到,牛扒用黑椒醃得好入味,好淋但完全無梳打味,好嘢,比起今朝響花園餐廳食嘅牛扒好食十倍,又一次証明小本經營尢勝大集團.誇張好多人都會,但真係有你咁誇,冇你咁正.
張貼