正宗蘭州牛肉拉麵 (已結業)

平時放工經過e間餐廳都無咩人，所以都打動唔到我入去試下，但係自己之前上親大陸都會食碗蘭州拉麵，因為我就真係好鍾意食手拉麵。咁今日玩完健身之後就去試下啦！咁今日入到去，望下個menu 之後，好明顯價錢係下調左，之前要成70幾蚊一碗呀！而家就60蚊重包一個小食。我就選擇左羊肉拉麵再加手拍青瓜。坐係度等果陣，望下佢地d裝飾都係同大陸餐廳果d差不多。咁個麵黎啦，羊肉都多唔算孤寒，而麵質一樣都係咁彈牙，湯都可以，有少少胡椒味，幾好入口，但係就淡左少少，整體黎講都有之前上大陸食感覺。青瓜都可以啦，整體都唔錯，會再幫襯。