金潮榕火鍋刺身專門店 (已結業)

這店已經光顧過幾次，食材新鲜，刺身選擇多，所以今日約埋公司同事來團年，見到愛爾蘭生蠔做特價$168半打，叫咗一打試吓(非常鮮甜)，之後再叫咗象拔蚌同加拿大海膽（海膽甘香），大家都非常滿意。湯底揀咗沙爹拼清湯，佢地個沙爹好香濃，我每次都會叫，配牛肉十分夾！主角牛肉出場，我叫咗極上本地牛頸脊，肉質軟腍牛肉味濃，其他火煱料点咗: 必食響令(即炸)好香脆，黑牛栢葉，牛脷，墨魚滑（爽、彈），田雞，花雕醉蝦，魚腐，白鱔片（爽脆）……。每樣都好新鮮，值得推介比朋友，我地每年團年都去酒樓食，今年選擇打邊爐，所以個個都食得好開心！