影片
更多
2022-07-02
27 瀏覽
呢間居酒屋🏮既裝修幾特別，其中一邊有唔同既武士👹掛畫，另一邊就有寫低每日從日本直送既新鮮刺身同埋特色菜式推介，呢到既logo用大大既霓虹燈放喺當眼處，光線黑黑地，氣氛幾輕鬆舒服😌～ 野食方面都幾用心，味道都ok，啲野再大碟啲就更加好～ 不過呢到都係個可以chill下傾下計既地方～串燒盛盒6串🍢 - $238 (好味指數：😍😍😍😍)呢個set會包左6串指定既串燒🍢，每日既組合都會唔同，可以即日問staff有咩配搭～ 啱晒選擇困難症既人，好似小編咁😂 全部都燒🔥得啱啱好，食既時候肉好容易喺籤到整出黎～ 旁邊仲有燒雞既照燒汁🔥🐥、檸檬汁🍋、岩鹽🧂可以比人蘸黎食，要再惹味或者清新啲都得😜雞翼：有兩隻，唔會燒🔥過龍，外脆內滑，肉質富彈性，雞味🐥幾濃郁，嫩滑多汁，不過係稍為細隻左啲同埋再入味啲就更加好～大蔥雞🐥：呢個係居酒屋🏮裡面常見既選擇，用既係三黃雞🐥肉質幾鮮美嫩滑，雞味幾濃郁～ 雞肉唔會燒🔥得過老，香口juicy之餘仲有啲蔥既清香～ 而大蔥經過醬燒之後就甜甜地，唔會有辛辣既味道，都唔錯～雞皮：一樣係用三黃雞🐥，雞皮炸到金黃酥脆，帶少少煙韌，唔會黏同腍晒，而且雞皮本身脂肪多，所以炸完入口有油香
串燒盛盒6串
$238
13 瀏覽
0 讚好
0 留言
串燒盛盒6串🍢 - $238 (好味指數：😍😍😍😍)
呢個set會包左6串指定既串燒🍢，每日既組合都會唔同，可以即日問staff有咩配搭～ 啱晒選擇困難症既人，好似小編咁😂 全部都燒🔥得啱啱好，食既時候肉好容易喺籤到整出黎～ 旁邊仲有燒雞既照燒汁🔥🐥、檸檬汁🍋、岩鹽🧂可以比人蘸黎食，要再惹味或者清新啲都得😜
雞翼：有兩隻，唔會燒🔥過龍，外脆內滑，肉質富彈性，雞味🐥幾濃郁，嫩滑多汁，不過係稍為細隻左啲同埋再入味啲就更加好～
大蔥雞🐥：呢個係居酒屋🏮裡面常見既選擇，用既係三黃雞🐥肉質幾鮮美嫩滑，雞味幾濃郁～ 雞肉唔會燒🔥得過老，香口juicy之餘仲有啲蔥既清香～ 而大蔥經過醬燒之後就甜甜地，唔會有辛辣既味道，都唔錯～
雞皮：一樣係用三黃雞🐥，雞皮炸到金黃酥脆，帶少少煙韌，唔會黏同腍晒，而且雞皮本身脂肪多，所以炸完入口有油香，油脂豐盈但又唔會覺得漏，香口惹味～ 另外特別用左兩隻竹籤將塊皮撐開，等塊皮唔會攣埋，可以平均受熱～
翠玉瓜🥒：火候控制得啱啱好，有淡淡嘅燒烤味🔥，表面乾爽，但裡面唔會乾，依然幾juicy，口感清甜爽脆～ 蘸埋旁邊既汁就更加好食😋
伊比利亞黑豚 🐷：伊比利亞既豬肉🐷係唔同啲，有獨特油脂芳香，肉味濃郁，肉質幾挺身有咬口，亦都有啲油香味道唔錯，不過可能近筋位就韌左少少
厚切牛舌🐮👅：今次既牛舌🐮👅係切到一粒粒咁，但肉質一樣軟腍爽口，好似牛肉🐮咁，唔會有膻味之餘有幾濃郁既牛味🐮，越咬越香～ 蘸埋點鹽🧂味道更加有層次～
拖羅蓉小卷
$88
5 瀏覽
0 讚好
0 留言
拖羅蓉小卷 🍣 - $88 (好味指數：😍😍😍😍🤩)
拖羅蓉🍣魚味幾濃郁豐腴，幾鮮味甘香，有魚脂香之餘口感綿滑細緻～ 估唔到既係除左上面既拖羅蓉🍣之外，小卷裡面都有，真係幾足料👍🏻 而加左香蔥，主要因為佢既清香可以減膩提鮮～ 表面仲撒左啲芝麻⚪️，令到整體都香口啲～
雞皮餃子
$48
7 瀏覽
0 讚好
0 留言
雞皮餃子🐥🥟 - $48 (好味指數：😍😍😍😍)
雞皮餃子🐥🥟係日本居酒屋居酒屋幾常見，以雞皮取代餃子皮🥟既口感真係幾得意～ 雞皮🐥夠薄，炸到脆脆地但咬落又有啲彈性，入口有啲油香又唔漏，加上感覺用雞皮🐥黎包餃子🥟更加難控制，所以幾有心思～ 裡面包住滿滿既雞肉餡🐥，連埋啲菜🥬同埋紅蘿蔔碎🥕，飽滿又軟嫩多汁~
好味指數：😍😍😍😍
推介指數：😍😍😍🤩
張貼
