森．湯咖哩 (已結業)

今晚入到去餐廳都仲有4、5張4人吉枱，我同老公2個冇book枱，被帶到2人枱，我地冇問題之後我哋每人叫咗1個餐，8串串燒，2份小食，2杯野飲，眼見張枱就黎滿晒，問左一可唔可以轉張4人枱，侍應冇答我，之後再有2枱客都係冇book行入黎坐左4人枱，咁啱我地d小食到左但完全冇位放，咁我就再問多次再唔可以轉大枱，點知個侍應竟然同我講將手上碟倒落我其他碟咪得囉，真係O哂嘴，我忍唔住同佢講咁隔離枱都走左啦，你即刻清左泊埋俾我哋咪得囉，點知佢清完枱就走左去，嬲到我秒速食完即走！好老實，嘢食係唔差，但咁嘅態度俾錢我都唔會再食！