影片
更多
2023-02-27
10 瀏覽
本身都好鍾意食餃子，永遠都覺得傳統味道嘅餃子係最好味，但係見到一啲特別嘅味道推出，都會想買啲嚟試吓，但係又唔想買咁多，最正係包餃掂可以俾我幾隻幾隻買，咁我就可以一次過試幾款唔同嘅味道。佢哋出名係手工餃子雲吞，見到佢標榜100%每日新鮮豬肉，每日新鮮即包，見到師傅喺店舖裏面即包即賣。雪櫃餃子超過十款，有傳統又有創新，味道配搭新穎，都唔知買邊款好。老闆細心包裝幫我將啲味道分開，仲教我點樣煮係最好，大滾水落餃，轉中火煮7分鐘，滿足。新口味#沙嗲金菇鮮肉餃 $52/磅係新口味所以試吓，係甜甜辣辣嗰隻沙嗲味，金菇配豬肉多咗份咬口。#芝士鮮肉餃 $52/磅都幾大粒芝士，芝士味香，溶溶哋嘅效果，唔沾醬料最好，有啲似食意大利雲吞。#泡菜豬肉餃 $52/磅即係傳統豬肉配白菜嘅變奏版，用上韓式泡菜，成隻餃子橙色好靚，酸酸哋加辛辣味，好開胃，滿滿韓式風味。#菜脯紫菜鮮肉 $52/磅菜脯同紫菜本身都有獨特嘅味道，撈埋鮮肉包餃子，兩種味道都好突出，唔會搶咗大家味道之餘又出奇地夾，菜脯更增添爽口感。傳統口味#白菜豬肉餃 $46/磅白菜切得好碎，與豬肉攪拌得結實，白菜配豬肉係最傳統嘅配搭。#韭菜鮮肉餃 $46/磅韭
佢哋出名係手工餃子雲吞，見到佢標榜100%每日新鮮豬肉，每日新鮮即包，見到師傅喺店舖裏面即包即賣。雪櫃餃子超過十款，有傳統又有創新，味道配搭新穎，都唔知買邊款好。
老闆細心包裝幫我將啲味道分開，仲教我點樣煮係最好，大滾水落餃，轉中火煮7分鐘，滿足。
新口味#沙嗲金菇鮮肉餃 $52/磅
係新口味所以試吓，係甜甜辣辣嗰隻沙嗲味，金菇配豬肉多咗份咬口。
#芝士鮮肉餃 $52/磅都幾大粒芝士，芝士味香，溶溶哋嘅效果，唔沾醬料最好，有啲似食意大利雲吞。
#泡菜豬肉餃 $52/磅
即係傳統豬肉配白菜嘅變奏版，用上韓式泡菜，成隻餃子橙色好靚，酸酸哋加辛辣味，好開胃，滿滿韓式風味。
#菜脯紫菜鮮肉 $52/磅
菜脯同紫菜本身都有獨特嘅味道，撈埋鮮肉包餃子，兩種味道都好突出，唔會搶咗大家味道之餘又出奇地夾，菜脯更增添爽口感。
傳統口味#白菜豬肉餃 $46/磅
白菜切得好碎，與豬肉攪拌得結實，白菜配豬肉係最傳統嘅配搭。
#韭菜鮮肉餃 $46/磅
韭菜豬肉水餃，號稱喺餃子界最受歡迎嘅配搭，隻隻脹卜卜皮薄餡大，最鍾意呢個經典嘅味道。
#西洋菜鮮肉餃 $46/磅
一口咬落去，西洋菜獨特味道好香，而且切得好細碎，完全融入餡料。
#廣東鮮蝦雲吞 $48/打
原隻鮮蝦加新鮮豬肉，餡料飽滿，鮮味。
#包餃掂地址：元朗又新街38號恆富大廈地下6B號舖
張貼
