影片
更多
2022-07-25
128 瀏覽
有光環，食物好，唔代表可以咁態度。先講食物，開心果和橙的心太軟的確唔錯，味夠濃，賣相得。原本影咗想打算分享，但因為受到不禮貌對待而怒刪。其實佢講明係限時，我相信唔會有呢件不愉快事件發生。事源：當晚排隊，入座前員工要求先點食物，這個有部分地方有此做法，本人覺得可以配合，又指明入坐後不能加單，這個雖較少見，但諗住食完傾一陣就走，也沒問題。入坐後，等了大約5-10分鐘，甜品上枱，享用咗大概20-30分鐘左右，杯嘢飲到一半，忽然個女睇場就插張單埋嚟，同我哋講出面有人要你張枱，請埋單。果下我哋真係O晒咀，我重以為阻咗佢成個幾鐘，跟住睇下入場記錄，再望下錶，喂！阿姐，好似35-40分鐘左右咋喎，個心太軟都係食完無耐咋喎。跟住眾人無奈快速飲埋杯嘢離開，朋友也自己走去埋單。如果個朋友唔係咁快手，我就走去問下係咪唔歡迎我哋。我明白人多，我都明白唔速食速走阻住間舖做生意，在間舖立場我哋係奧客，在舖立場係無問題架！但在客人立場，你咁態度對客係相當有問題。第一，我哋都跟規矩排隊，唔係插隊。第二，從來無人講過限時，要速食，咁其實食個飯坐半小時或一小時有幾出奇？要急我不如外賣？你咁急要人入坐前落單，係咪事實想客速
先講食物，開心果和橙的心太軟的確唔錯，味夠濃，賣相得。原本影咗想打算分享，但因為受到不禮貌對待而怒刪。
其實佢講明係限時，我相信唔會有呢件不愉快事件發生。
事源：
當晚排隊，入座前員工要求先點食物，這個有部分地方有此做法，本人覺得可以配合，又指明入坐後不能加單，這個雖較少見，但諗住食完傾一陣就走，也沒問題。
入坐後，等了大約5-10分鐘，甜品上枱，享用咗大概20-30分鐘左右，杯嘢飲到一半，忽然個女睇場就插張單埋嚟，同我哋講出面有人要你張枱，請埋單。
果下我哋真係O晒咀，我重以為阻咗佢成個幾鐘，跟住睇下入場記錄，再望下錶，喂！阿姐，好似35-40分鐘左右咋喎，個心太軟都係食完無耐咋喎。
跟住眾人無奈快速飲埋杯嘢離開，朋友也自己走去埋單。如果個朋友唔係咁快手，我就走去問下係咪唔歡迎我哋。
我明白人多，我都明白唔速食速走阻住間舖做生意，在間舖立場我哋係奧客，在舖立場係無問題架！
但在客人立場，你咁態度對客係相當有問題。
第一，我哋都跟規矩排隊，唔係插隊。
第二，從來無人講過限時，要速食，咁其實食個飯坐半小時或一小時有幾出奇？要急我不如外賣？你咁急要人入坐前落單，係咪事實想客速食速走，做多幾轉？
第三，你個伙計好聲好氣同我哋講因為多人，麻煩方唔方便交番張枱，大家客氣我覺得無問題，但係你伙計由排隊直到埋單，塊面黑過包公，重一嘢黑晒面咁隊張單叫我埋，呢啲到底係個伙計問題？定係貴公司特色？即係慢慢食，傾陣都有罪？
第四，你咁趕住做生意，或者好聽啲唔想啲客等太耐，咪同客講限時30分鐘囉，唔使扮大方但又小家，做到咁老土趕客走嘅！
不錯你哋真係好食，但要我睇住人面色，又要當客係狗咁，多謝你了。
以前黃大仙舖都唔係咁，食物好，有立場，我好好印象。
而家出咗名就咁態度，真係令人明白何謂「財大氣粗」「人肥即變」。
如果貴公司覺得我係奧客，唔緊要，你哋立場無錯，因為我無速食即走，阻你生意。
但你講我奧客之餘，你咁態度做生意，同樣你都只一間奧舖嚟，大家彼此彼此而已。
張貼