德興茶餐廳 (已結業)

其實有兩間，一間係天橋對面，主要係食粥同打冷既。另一間係旁邊轉角位，百佳隔離，格局好似高檔少少，食魚蛋粉或者焗飯。今次去百佳隔離果間，叫左個咖哩海鮮炒飯，幾惹味，飯粒炒得乾身，不過茶餐廳ｄ所謂海鮮緊係．．．明啦。另外叫左個芝士焗牛脷飯，推介！本身個焗底都好靚好味，我諗所有焗飯類應該唔錯，果然係招牌焗飯。牛脷大大塊，都冇諗過配焗飯會咁ｍatch。飲品完全唔得，超甜。有卡位，兩個人坐得幾舒服。