妹記大排檔 (已結業)

一直都好想食妹記，因為覺得佢個戰鬥碗好型，所以揀左呢間又有小菜又有啤酒飲既。但好傷心既係，佢竟然無左戰鬥碗。加上，原來室內既大排擋係超嘈，我地有八個人，就算特登坐到好埋都聽唔到。食物我就覺得一般，唔知係咪叫既野唔係出名既？而我朋友就話正正常常。蠔仔粥都可以，但我覺得唔係好新鮮。蠔餅都係普通，反而蜆炒得幾入味。我見到人地叫個啲油雞好似幾靚，但我地之前叫左啫啫雞，所以就無再講。下次少人啲食就好啲，至少可以傾到計。