老爺冰室 (已結業)

黎到老爺冰廳，見到餐牌設計同茶式都好有創意。知道佢既黑松露炒蛋多士係招牌，但因為太餓所以嗌左飯。肉躁配芥末豬扒飯: 肉躁夠味又唔會太咸，岩岩好可以撈哂成個飯。菇同肉碎都幾大粒有咬口。豬扒煎得好香，淋左芥末係上面。自己唔太中意芥末因爲實在太拱鼻，仲會蓋過哂豬扒既味道。豬扒雖然幾厚身，但一啲都唔韌，有少少油令佢更香口。因為係午餐仲會送碗老火湯。老火湯味道好好飲，仲有啲瘦肉食，飲完之後覺得喉嚨好舒服。對呢個午餐非常滿意，唔貴又好味，最好係有湯飲。下次黎會再試試佢既多士。