老爺冰室 (已結業)

下午茶時間幫襯咗呢間茶餐廳，因為唔係好肚餓，見個餐牌寫住「食神湯麵」咁爸閉，於是叫咗叉燒煎蛋湯通粉配合桃莎莉蛋糕，野飲就要咗熱咖啡。杯咖啡真係好好飲，有驚喜，香濃做到恰到好處，難得茶餐廳都做到咁嘅水準，真心掂。個叉燒煎蛋湯通粉嘅煎蛋竟然係煎到脆邊，唔知係佢一向都咁高水準定係我好彩呢？下次幫襯再試試先。合桃莎莉蛋糕都幾過癮，真係好耐無食過莎莉蛋糕，呢度竟有得跟餐。佢呢度薄薄地切兩片，不過我個人覺得厚切咬落去會開心啲。

朋友帶我試呢一間位於深水埗的茶餐廳，我心諗咪督係一間普通茶記，仲要深水埗區，不過試完之後竟然有驚喜。我地兩個人早餐時間幫襯，一個叫咗最傳統嘅雪菜肉絲米，另一個就叫咗個黑松露炒蛋厚多士。先講個雪菜肉絲米，整體味道又真係比一般食到嘅高，尤其是係個雪菜，個味道醃得幾好，有香味兼唔太鹹，肉絲嘅肉質都OK。至於個黑松露炒蛋厚多士真係有驚喜，黑松露無乜電油味，而更重要嘅就係個炒蛋嘅蛋汁無搞濕件厚多士，如果濕咗就會搞到件多士淋晒，到時仲點食，呢度控制個炒蛋控制得好好，好難得喺茶餐廳食到咁嘅質素。

😈邪惡下午茶·紫薯芝士西多士 哇😍切開見到厚厚嘅紫薯蓉，啖啖濃郁紫薯味，呢個西多士真係不得了，食完超級飽，好有滿足感！·飛仔華田華田同平時飲嘅一樣，特別在加咗早餐脆脆同馬卡龍，撒上朱古力針變成一杯特式港式飲品，賣相不錯！不過馬卡龍真係好甜呀～食完呢個下午茶即刻覺得自己肥咗幾磅🤣

正常的茶餐廳味道 味道不算突出 服務算好 在深水埗來說 價錢跟周邊的差不多 不算貴 但位置不是常會經過的地方 跟餐的飲品 是少見的大杯裝 可能是加8$的原因 環境裝潢是有放心思去做的

今日唔C服叫個户戶送外賣，一到見到個哈哈笑袋已經好精神，打開個袋見到送左2個桔比我，個心情好似少女收花咁心花怒放，野食唔多講，外賣野竟然食到堂食感，蝦多士仲係脆，你地究竟在包裝花了幾多精神心機，你地心知肚明啦。

20/2/2021第四波疫情啱啱放寬，今日星期六，返工收早半日，就落去疫情都算重災區嘅深水埗,初七起正苦放寬返可以比你四人一枱食飯同晚市做到十點，但要迫餐廳要人裝安心出行嘟咗先比食又或者留底姓名電話時間先比開餐，無做到重要食市找數停業十四日，做乜食餐飯都要咁麻煩架!所以有啲餐廳索性唔做晚市，今次上嚟就係希望大家多啲支持唔向正苦屈服嘅餐廳，做乜正苦管理疫情不力，就要搵香港人幫佢找數，幫手迫一向自由嘅香港市民就範，希望大家行過都支持一下。下面就有我嗰日食嘅午餐喇😘🥰🥰重有佢哋都好似轉咗新餐牌了，今次忘記咗影，有機會補影返

食中佢啲招牌菜就好好食，食唔中嗰啲就真係好求其好普通。＊食咗兩次＊ 有折扣時抵食。食中：芝士牛肉濃茄湯通粉 跟牛乳炒蛋 肉醬焗薯泥1.) 牛肉好軟淋，茄湯偏甜味濃好襯通粉。2.) 牛乳炒蛋炒得啱啱好， 唔會炒到乾曬。3.) 肉醬焗薯泥， 肉醬味道好濃， 可以用嚟焗意粉。自家製蝦多士1.) 唔會油冧冧2.) 啲蝦膠調味啱啱好3.) 佢嘅多士同其他唔同，係用厚麵包整4.) 點佢畀嘅千島醬更加好食食唔中：叉燒煎蛋湯意粉 配合桃莎莉蛋糕1.) 唔係蜜汁叉燒之外，仲係嗰啲乾乾地色水淡嗰隻， 2.) 煎蛋係隻蛋就咁打落去過煎pan度， 用個鑊鏟了，了幾下了爛蛋黃嗰款。3.) 湯無味。4.) 莎莉蛋糕賣曬， 轉咗奶油豬，外賣都脆都好食。沙嗲牛麵1.) 唔夠香濃嘅沙爹牛2.) 係唔係我孤陋寡聞? 沙嗲牛麵落蔥!?3.) 唔係沙爹牛肉d汁，湯冇味。4.) 外送上門冇分湯

同男朋友出街，亂抗亂撞入了呢間冰室。點了兩份lunch個湯碗是下面崩的，飲完先發現.....第一個是胡椒豬肚湯，個湯入而撈到麵條......同河粉碎，唔知係上一手食剩定係個湯用滾過麵架水來煮啦 豬肚夠腍身架，雞都入味。係得十幾度架冬天飲完人好暖和 仲有白飯，不過碗邊有一大片污垢美極肉燥雞扒飯 雞扒太細塊啦，唔係好值雖然用電影主題來佈置好吸引，但衞生情況以劣字來形容仲有杯波波奶茶，男友食完要找廁所拉肚子，我唯一沒喝而我沒事

眨下眼，香港已經進入第四波疫情，呢個2019冠狀病毒(武漢肺炎)搞到全球經濟一獲泡，777唔封關不特止，反而每次爆發疫情就搵食肆埋單，六點後又禁止堂食，唔做好全面封關，香港人宜家有個咁嘅正苦，真係自求多福了。今日行去鴨寮街買啲嘢，見肚仔餓，行落汝州街睇下有乜好嘢食，見到呢間茶記(老爺冰室)望入去裝修又幾特別，即管入去坐底叫啲嘢食下，餐牌唔覺有茶餐食，不過啲餐都唔算特別貴，而且大部份一樣可以加幾蚊有凍飲，所以問題不大，今次我叫咗牆上面個黑板所寫嘅餐，如無記錯好似係叫(鮑魚片福建炒飯)，因我叫完後，黑板餐牌D餐就比刷走了，未來得及影底叫乜名😅,跟餐有湯有餐飲，埋單盛惠$48，整體味道不錯，但我個人覺得份量少了點(可看下圖)，還有個飯如果熱返少少就perfect 喇😉,奶茶尚算正宗，而今次嘅餐湯係西洋菜湯……正餐廳坐位不算太多，加上宜家又限聚令又限坐令，每枱只能坐兩人，所以大家可以的話，盡量避免繁忙時間去啦

新推出迷你保齡球午餐，美味扺食！！平常只有單點的保齡球，最平的都要68蚊；今次新推迷你版套餐只需$47，就有迷你版保齡球+沙律+飲品，好味又抵食！宮崎咖哩豬軟骨迷你保齡球：外脆內軟的麵包，包着炒飯同入口即化的咖哩豬軟骨，無得頂，只係份量真的有點細，男仕肯定唔夠飽野菜雜果沙律：野味又健康，野菜配上芝麻醬，加上雜果甜甜的，好味道飲品：熱奶茶合個人口味，比起某些茶檔好總括嚟講食物味道好，有誠意，但份量唔夠，整個餐的份量適合女仕，相信男仕就算食完整個餐都未必夠飽。

小編今日同朋友去試食近北河街市既老爺冰室，因為小編朋友知小編是黑松露控，想帶小編試下老爺冰室主打推介-黑松露炒蛋多士（$36），開頭小編覺得一份炒蛋多士要一個飯既價錢咁貴？見到時發現黑松露係好似唔使錢咁多，雖然小編是黑松露控，一開頭時好開心覺得好多，但食到一半，就有一種感覺係多未必好味，剛剛好是最好的。所以小編諗為佢黑松露太多了有些膩。小編俾佢既特飲既賣相吸引了加了$16叫了馬卡龍石板街朱古力特飲，佢有些可可脆片、CREAM同一塊朱古力馬卡龍，外型賣相是十分適合打卡，好適合鍾意飲甜野嘅人，小編略嫌有點甜。另外小編叫了一個美極香酥雞扒肉燥飯（$48），另加了一個馬卡龍飛仔華田（跟餐加$16），香酥雞扒嘅賣相同餐牌不同但識落嘅口感係不太油膩又好香美極的味道，肉燥都是合格的，不過不失，而馬卡龍飛仔華田同馬卡龍石板街朱古力是一樣的，只是不是朱古力是華田味，第一次你絕對值得叫你打卡。二冰室內的環境佈滿不同的懷舊物品，適合鍾意懷舊情懷同風味嘅朋友嚟試。

第一次食覺得好味 尤其波波奶茶好出色,所以一直都有幫襯,但近排無論包裝又好食物又好都愈黎愈差。上次食已經有條不知名線起碗粉入面,類似百潔布果啲咁,諗住下次再俾多次機會。。岩岩啲湯因為包裝時迫得太爆,啲膠蓋爛哂,啲膠跌哂起碗粉度,啲湯亦都漏哂出黎,就連波波奶茶都失準,成杯都係啲細細粒茶葉碎,入到喉嚨好痕,好失望。。

成日行鴨記，終于今日肯入一間未試過嘅懷舊餐室@老爺冰室。（因為通常都食酸辣麵架）。第一眼，裝修好，整潔！第二，店員態度好好好！第三，音響正播尤雅既只要為你活一天，正！第四，叫咗牛腩撈丁，牛質好林，又係正！下次再來！

首先要讚讚店員服務態度不錯的. 當晚叫左兩個小食，同一客晚餐客飯首先講講個客飯，　４４蚊有湯有熱飲味道一般，章魚粒寥寥可數，雞肉都幾滑陝西肉夾膜，＄３８餅皮同我自己有次係紅磡食的肉夾膜唔同，老爺冰室的似麵包皮，軟淋淋的，而我上次係紅磡食的餅皮比較似饅頭，軟熟的口感而且老爺冰室的是熱辣辣即食，但有Ｄ部分都係太乾太硬至於餡料方面，老爺冰室的肉餡係爆多的，好足料，不過佢調味方面都好重手，在加上咁多餡，所以成個肉夾膜係太鹹。而且要三十幾蚊就偏貴原味波波冰鎮奶茶，要加１４蚊，一般凍奶茶味，　只係個樣特別Ｄ，性價比不高最後有加多左個蝦膠多士，雖然無影相，但呢個係成餐最好食，性價比最高的一個蝦膠多士雖然係炸的，但不會太油，而佢既蝦膠打得好彈牙，而且蝦膠的份量不會太少，並能平均地塗在多士的中間，因此唔會令有Ｄ位咩料都無。

放假天，同男朋友去深水埗睇Yellow Object展覽之前食個早餐，和你eat介紹呢間老爺冰室好似唔錯喎！店舖不大，座位之間有點擠迫但可接受，環境帶點懷舊風的裝修。值得一提，店員服務態度非常有禮親切。早餐至到11點半，岩哂放假晏起身既朋友仔。我同男朋友都揀左F餐芝士牛肉濃茄湯通，佢個碗既芝士份量比我個碗多d，佢覺得芝士有少少搶左蕃茄湯個味，我就覺得我個碗份量比例剛剛好，牛肉份量都算多，肉質嫩滑，整體性價比高。通粉仲要係我最愛既扭扭粉！我追加左火腿炒蛋，炒蛋份量好多！好似用左3隻雞蛋去炒咁，食得出係冇溝水，炒得好嫩，滿滿蛋汁。而男朋友就追加左早餐腸烚蛋多士，早餐腸真係第一次食，入口比脆皮腸更加脆。熱檸水用厚切檸檬架。人均早餐消費$43，雖然有d貴，但以份量同質素完全對得住呢個價。