鮨 中本 (已結業)

入到店鋪係令人非常舒適嘅木色環境，唔會侷促令人十分放鬆，師傅係日本人，上菜時有另一位職員以中文講解，非常貼心。職員好有禮貌，會定時更換熱茶，服務非常好。平日夜晚都差唔到坐滿，好多都係熟客，仲有日本人；就知質素一定唔差。同職員傾計佢地話唔似坊間嘅omakase，師傅會就每個客人嘅喜好以當日新鮮食材costome make 比每位客人，所以每組客人食嘅食物都唔同。呢到食材都好新鮮高質，食材處理方面都有貼心之舉。介紹幾款特別中意嘅刺身：【希靈魚籽昆布漬】我平時係絕對唔會食希靈魚，就算較高級嘅香港都比較腥，以為魚籽會更腥，點知入口有甜味，完全唔會腥，口感爽，魚籽數量好多，真材實料。【左口魚】有啲柚子味，魚肉較粉好新鮮，唔係平時見到嘅純白色，魚邊較爽口味道較濃。【生蠔】會先介兩刀分左3舊容易食啲，有酸汁，辣蘿蔔蓉，海水味較重爽口，味道平衡辣味唔會蓋過鮮味。壽司：【鱸魚】鮮味媲美鯛魚，肉質柔軟且口味清淡，係時令魚，肉質會更優質，脂質含量更多【深海池魚】同油甘魚同科但較爽口，冇甘腥，屬於淡味啲嘅魚。【中拖羅】不得不稱讚，入口即化；魚鮨味重，簡直好似大拖甘。而佢嘅大拖唔洗講係仲好食，筋位唔多但更肥美。