影片
更多
2018-01-17
154 瀏覽
大啡菇烤菠蘿沙律🥗($68)原條菠蘿🍍上枱，表面烤到微微轉色，保留到菠蘿既鮮甜，咬到口好juicy。整個沙律感覺好清新，食完會好開胃。脆炸魚柳條配他他醬($68)認真魚柳普普通通，似平時超市買既急凍魚柳條。不過薯條有驚喜，佢係蕃薯條黎，同平時用薯仔整既唔同，食落口更加厚實，完全唔覺油，係唔錯。他他醬亦屬一般。黑松露大啡菇漢堡配蕃薯🍠($82)漢堡份量比較mini size，男仔食應該會唔夠飽。黑松露味比較偏淡，大啡菇尚算juicy，麵包唔夠香口鬆軟。如果上枱可以再熱d會更好。桃膠雪蓮佐黃耳($53)依碗熱辣辣既糖水，簡直係女士滋補養生必飲。入面有齊桃膠，雪蓮，黃耳，紅棗，龍眼肉，超級足料！桃膠有抗皺嫩膚清血降脂功肉; 黃耳可以滋補養顏; 雪蓮就可以抗衰老，增強免疫力。飲完即刻覺得人都靚左，皮膚好左☺️黑杞子桃膠雪梨🍐($4x)新顏品，聽個名都知好滋陰養顏，黑杞子帶酸，同雪梨既清甜好夾。相比桃膠雪蓮佐黃耳會冇咁甜，更加適合唔嗜甜既朋友仔。火龍果紅茶乳酪($46)乳酪係用左希臘乳酪，聽講蛋白含量極高，而且低脂，加上左用左新鮮火龍果同紅茶沖製而成，非常健康。不過飲落口，茶味同火龍果味被乳酪味遮
大啡菇烤菠蘿沙律🥗($68)
原條菠蘿🍍上枱，表面烤到微微轉色，保留到菠蘿既鮮甜，咬到口好juicy。整個沙律感覺好清新，食完會好開胃。
脆炸魚柳條配他他醬($68)
認真魚柳普普通通，似平時超市買既急凍魚柳條。不過薯條有驚喜，佢係蕃薯條黎，同平時用薯仔整既唔同，食落口更加厚實，完全唔覺油，係唔錯。他他醬亦屬一般。
黑松露大啡菇漢堡配蕃薯🍠($82)
漢堡份量比較mini size，男仔食應該會唔夠飽。黑松露味比較偏淡，大啡菇尚算juicy，麵包唔夠香口鬆軟。如果上枱可以再熱d會更好。
桃膠雪蓮佐黃耳($53)依碗熱辣辣既糖水，簡直係女士滋補養生必飲。入面有齊桃膠，雪蓮，黃耳，紅棗，龍眼肉，超級足料！桃膠有抗皺嫩膚清血降脂功肉; 黃耳可以滋補養顏; 雪蓮就可以抗衰老，增強免疫力。飲完即刻覺得人都靚左，皮膚好左☺️
黑杞子桃膠雪梨🍐($4x)
新顏品，聽個名都知好滋陰養顏，黑杞子帶酸，同雪梨既清甜好夾。相比桃膠雪蓮佐黃耳會冇咁甜，更加適合唔嗜甜既朋友仔。
火龍果紅茶乳酪($46)
乳酪係用左希臘乳酪，聽講蛋白含量極高，而且低脂，加上左用左新鮮火龍果同紅茶沖製而成，非常健康。不過飲落口，茶味同火龍果味被乳酪味遮蓋，好彩既係唔會過酸，如果茶味重d會更好飲。
-
薰衣草黑莓鐵觀音($46)
依杯飲品沖製出黎既顏色好靚，望住就已經好治癒。鐵觀音係烏龍茶🍵既一種，帶少少清幽蘭花香，有解毒消食，提神益思功效。加埋薰衣草，好氛香。飲落口，係會有一種清新既感覺，黑莓酸酸甜甜，同鐵觀音出奇地夾。如果工作太攰又或者温書温到腦便秘，推介你地飲，絕對可以清醒頭腦🧠
-
總括黎講，飲品甜品比鹹食高質，食品設計有特色，影相打卡一流。
-
好味指數:7.5/10
賣相:9/10
性價比:5/10
張貼
