包販子 (已結業)

包子店🍔路經太子又係午餐時間，係時候帶妹妹同我一齊試to-eat-list上既包販子😛。• 北京填鴨包 配薯條 (4/5)煎鴨肉，青瓜片，京蔥絲，海鮮醬，齊晒🤤！不過鴨肉有少少乾，京蔥比較少，但都好味！薯條係幼身個種，新鮮炸起香脆新鮮。• 溫泉蛋白汁忌廉菇菇扁意粉 (3.5/5)味道還可，普普通通白汁意粉，不過汁有啲稀好似湯咁，好多菇都ok。• 抹茶牛奶 (4/5)店員話無得少甜，本身都擔心會甜但竟然又ok，而且係重口味既濃抹茶！不過茶青味重左少少，能夠減去少少就完美。• 朱古力 (3.5/5)超級超級濃同杰，可以話係好杰既朱古力奶或者稀釋左既朱古力漿，好強既可可味，但我覺得稍甜，而呢個質地我識幾啖就覺得可以，飲晒成杯既妹妹表示幾滯。