阿荔車仔麵

營業中

休息中

晚上冇堂食嘅日子有時都會幫襯下外賣支持下艱難嘅餐飲業，特別係小店，今晚揀咗呢間新開嘅新派港式車仔麵，餐廳除咗車仔麵之外仲有便當、喇沙、撈麵等唔同嘅選擇，可以照顧到唔同客人嘅口味。🥘生炸豬頸肉馬來喇沙 （$52）揀呢個喇沙係因為見到生炸豬頸肉有👍🏻同埋係車仔麵冇得揀嘅菜式，外賣自動會幫你分湯非常好，唔會浸到啲豬頸肉淋曬，豬頸肉大大件外賣一樣咁酥脆，喇沙湯底惹味滲出陣陣椰香味，唔油膩易入口。🍲自選車仔麵 每次揀車仔麵都會好貪心想叫好多個餸，見到南乳豬手同秘製牛腩（$15@）係呢間餐廳嘅招牌菜決定試曬，再叫埋有👍🏻嘅沙嗲辣魷魚（$13）同喺車仔麵店好少會有嘅潮州名物：炸蝦棗（$11），麵底揀咗米線（$13），米線質地Q彈有水準，南乳豬手同牛腩都炆得好淋好惹味，果然係招牌菜，沙嗲魷魚彈牙入味，炸蝦棗真材實料，鍾意佢外脆內軟嘅獨特口感，（+$6)試埋🌶重慶酸辣湯底，酸酸辣辣好開胃，食得辣嘅一定要加埋火辣辣菜脯，自家製果然係正！鍾意呢間車仔麵嘅湯底同款式夠創新，可以有好多款唔同嘅配搭。💁🏻‍♀️餐廳仲喺呢段期間推出左3個抗疫套餐，送埋油菜同飲品，每款$5x，性價比高！大家買外賣時記得支持下小店！