包販子 (已結業)

當晚6點令鍾去到，得3台客人，我們2位叫了包販子沙律，咕嚕雞包，洋蔥芝士菇菇包，鹽酥菇同埋一杯檸檬梳打！首先呢個沙律好出事，我老公平時好食菜，特登叫個沙律，呢個食左兩啖就唔食，只可以話唔係大眾口味，我估個沙律落左橄欖油加少少醋，白色一條條食唔出係咩，另外有少少柚子，青瓜同合桃，食落好油！呢個大啡菇上面d醬都係菇味，味道唔突出，成個包食完有d漏……之後黎咕嚕雞包，呢個冇影相，因為食個包已經食到成手油，冇手揸電話影，開頭好期待呢個包，點知黎到舊雞炸到好黑，好彩雞肉味道都Ok,但問題係片菠蘿煮過，煮到有苦味，好難食，我見其他食評個雞冇咁黑，菠蘿冇煮過，點解我個包係咁！加埋一大pat苦苦地唔好食嘅醬，個包索到濕哂……值得一讚嘅有鹽酥菇，呢個好抵食，份量多，即叫即炸，但都有改善空間，就係個醬同個菇唔係好夾，食落似係腰果定合桃醬？！個醬完全唔突出，都唔知點解配個咁嘅醬！總括黎講，呢間野食有待改善，全部食物比較油膩，好彩叫左杯梳打，但食完有點怕怕，恐怕不會再試第二次，但創意誠意搭夠！建議提供膠手套食包，因為用手食，食到成手汁同油，個包太高切一半share時，未食已切到散哂，根本唔能夠揸住食，失去食包