Flame at Towngas Avenue (已結業)

今日去左係中海城的煤氣公司的餐廳吃飯難得放假梗係要食得好啲，趁著未到放飯時間去，就可以坐到窗邊位，望住海景食飯。今次叫左個鮮蝦蘆筍南瓜燴飯同澳洲羊扒，再加左個中西混合的西洋菜濃魚湯！餐包好快就到左，平時好小食餐包，但呢度的餐包好好食，會外面有脆口的感覺，包入面咬落就好煙韌，非常喜歡！餐湯方面，我覺得加左魚肉碎令湯好有口感，唔似傳統的湯水咁😍羊扒好快上左黎，羊扒依舊咁大塊，仲要熟度剛剛好！南瓜飯上黎到已經聞到好香，再加埋面層的芝士，好想快啲食佢！可能係食完羊扒先食個飯，飯有啲凍左，但個口感都係好似risotto 咁，個人認為南瓜可以再濃小小。南瓜飯的份量十足，食曬都夠曬飽🤨但唔可以唔食我至愛的雜苺冰粉❤️如果覺得就咁食有d淡味，就可以加埋黑糖去食😆個味道非常甲，有苺的酸味道，再加黑糖的甜味！呢家午餐時段仲有折，真係幾值得試下👍🏻平時lunch都多人食，可以打定電話訂枱先架