爭鮮迴轉壽司 (已結業)

這間爭鮮有很多位，但大部分時間只開一部分，可能人手唔夠啦，我都明白，之前已經和朋友來過幾次，我喜歡這裡最大原因，是因為這裡唔需要有最低消費，我食一碟坐一個鐘都唔會有人有不滿。有一次我和幾位朋友一起去，總共點了五碟（因朋友之前已經午餐了），但都可以坐足一個鐘，這次和媽媽去吃，依然不需等位。 我還發覺這里係有卡位的。一班朋友到來都可以唔需要煩到職員，自己都可以選擇唔同壽司，但又唔需要落單。講回食物質素，今次吃的海膽壽司很「腥」，就算落大量酸薑都未能中和，要改善處理程序。今次令我要寫食評的原因就係竟然比我地食到鮑魚，我好驚訝呀！8蚊一隻，味道可以接受，口感都幾好。附帶茄汁，平日可以8蚊食到三文魚刺身，已經很開心，今次有這個更開心呀！ 這隻鮑魚很搶手，本來都以為食唔到了，但原來可以叫職員落單的。