有口福

營業中

休息中

朋友請食飯，帶咗我嚟有口福，我即時佢知我今日真係有口福先可以比佢請我食飯！我都係第一次嚟，原來呢度係以食川菜辣嘢為主，簡直啱哂我口味！唯一可惜係我呢個朋友最多只係可以食到小辣。點咗四款食物，包括：- 香辣雞煲- 孜然寸骨- 炒水晶粉- 辣炒土豆絲孜然寸骨（小辣）鋪滿孜然嘅寸骨，一放上枱已經覺得香味撲鼻！食落又唔會太過乾，食落由外至內都充滿孜然香味！香辣雞煲 （小辣）雞煲醬味好香，雞肉肉質嫩滑之餘亦好入味，雞煲醬個靈魂好味到連紫洋蔥沾滿個醬都唔放過，好好味！辣炒土豆絲 （小辣）炒土豆絲最緊要浸水時間夠先可以令到土豆絲夠爽口，而呢度嘅土豆絲正正就係每一條都好爽口，果然用心製作。炒水晶粉（小辣）配料有椰菜絲、甘筍絲同肉碎，味道清清地幾好味，而水晶粉都好彈牙，口感唔錯！下次要搵個食到大辣嘅朋友再嚟試吓先！