影片
更多
2014-06-29
4694 瀏覽
今日三隻餵食貓又出動去試新野食啦!今日我地選左The One呢間西班牙風味的"TAPAGRIA",以往係香港都試過搵西班牙菜食,但都唔係咁容易,更何況搵到間好食的就更難!之前,我都有跟朋友去試過一兩間西班牙菜,但都衹係覺得麻麻地,呢間我就真係覺得好食,所以日後如果我啲朋友仔想搵西班牙菜食,我一定會推介呢間比佢地!地方同環境都幾好,內部裝修都幾幽雅,餐廳主要分成兩部份,有室內及室外,室內就有啲台仔同BAR台坐下,室外就有一個大露台,有啲圓台仔,可以係18樓,高高在上,望下維景,感受一下啲微風(食下西北風 ),欣賞下夜色都真係一件賞心樂事。室內雖然有啲台仔坐,但如果多過四個人嚟食,想搵張大台或方形台坐下都唔容易,因為大台及方平台唔多,而且有時就算四個人去,都有可能只可以被派到兩張細圓台仔坐,所以如果四條友係大食啲,點菜多啲,食得慢啲,再加上啲菜嚟得快啲,嗰台面就會好容易唔夠地方放食物,真係一大缺點 。燒豬(Sucking Pig), 一個ORDER兩件,盛惠$95, 單叫一件$50。一個字:"正",好食到唔識形容。啲Mussel隻隻尺寸唔一樣,有啲大隻啲,有啲細隻啲,啲SIZE唔一致,
地方同環境都幾好,內部裝修都幾幽雅,餐廳主要分成兩部份,有室內及室外,室內就有啲台仔同BAR台坐下,室外就有一個大露台,有啲圓台仔,可以係18樓,高高在上,望下維景,感受一下啲微風(食下西北風 ),欣賞下夜色都真係一件賞心樂事。
室內雖然有啲台仔坐,但如果多過四個人嚟食,想搵張大台或方形台坐下都唔容易,因為大台及方平台唔多,而且有時就算四個人去,都有可能只可以被派到兩張細圓台仔坐,所以如果四條友係大食啲,點菜多啲,食得慢啲,再加上啲菜嚟得快啲,嗰台面就會好容易唔夠地方放食物,真係一大缺點 。
燒豬(Sucking Pig), 一個ORDER兩件,盛惠$95, 單叫一件$50。一個字:"正",好食到唔識形容。
啲Mussel隻隻尺寸唔一樣,有啲大隻啲,有啲細隻啲,啲SIZE唔一致,盛憲惠: $145。個Mussel都算幾好食,不過如果真係要推介,我就覺得喜來登間Oyster and Wine Bar 好食啲,但喜來登啲Mussel好似seasonal唔係次次去都有得食。
呢個菜叫"V.I.C.",盛惠: HK$22一件。係最上面係一片西班牙火腿,蓋住下面個忌廉波波,個忌廉波波炸得幾香脆可口,個波波好似用左啲忌廉,芝士同雞肉,混埋一齊做的,真係幾好吃!
西班牙飯(Tapagria Paella),盛惠: HK$145。個份量其實只係夠一個人份量,不過你如果只係想品嘗下嘜野叫西班牙飯,又想試多幾款西班牙小食,叫一個飯大家朋友share就好啦。個飯唔油膩,啲米唔知邊度嚟,唔似中國米,日本米或麥西哥米,嗰飯有口感得嚟又軟軟地幾好食。蝦就得一只,加埋有小小海鮮一齊煮。
辣肉腸(Chroizo Wine), 盛惠: HK$65。呢個辣肉腸有小小辣,如果完全唔食得辣的朋友就唔好叫啦,如果唔係,就要預備杯水係側邊啦!
蕃茄麵包(Tomato Bread), 盛惠: HK$65,一個ORDER 三件。呢個蕃茄面包都幾好食,唔好以為用蕃茄做,個包包就會有啲酸酸感覺,係無呢啲感覺的。個包包一邊係脆身,另一邊就軟軟地。有蕃茄味,唔酸!
西班牙火腿(Joselito),盛惠;HK$285。啲火腿薄過紙,又收得唔平,唔係好扺食!呢個小食,食到最尾都重有剩,無人想爭嚟食。其實唔係唔好食,只不過唔係好啱我地口味吧了,可能一邊飲酒一邊食,會好味啲。
炸魷魚(Baby Squid),盛惠: HK$65。我個人覺得唔好食,但我個朋友就話好正!如果你係一個喜歡食啲炸到脆晒魷魚的話,呢個菜一定唔係好啱你食啦!
芒果甜品(Mango Brick),盛惠: HK$65元。呢個甜品,我就無試過,因為甜品我唔多好。我朋友就話好食啦,你地想知,就自己去試下啦!
Classic Red(用紅酒混成的),盛惠: HK$430。Vrigin Sangria ,一JAR價錢盛惠: HK$250,如果半JAR就盛惠: HK$190。
上面左面個款飲料係無用酒精混合而成的,而右面嗰款就用左紅酒混成的,無酒精成份嗰款飲料反而好飲好多,而且價錢又平過有酒精的。
呢啲飲料每一個ORDER可以叫一JAR或半JAR,但就係無一杯杯咁叫。
題外話/補充資料：
需要收10%服務費,以上之標價係未加服務費之價錢。
啲服務都幾好,我兩個大人,兩個小朋友,個服務員見我地台仔細就幫我地分食物同加飲料,個Virgin Sangria係用啲新鮮水果混成的,個服務員哥哥倒到最後,重同我地用匙慢慢撈啲生果出嚟,真係幾好人。
其實Tapas係西班牙話,意思係 " a wide variety of appetizers, or snacks",即係前菜或小食,所以啲食物份量唔會好多或好大份,如果你大食啲,就肯定會覺得唔夠食,其實我覺得呢個地方主力都係飲酒,或者同朋友傾下計的地方,食物只不過係伴酒之用。
(以上食評乃用戶個人意見 , 並不代表OpenRice之觀點。)
張貼
