Gustoso Burger (海都大廈) (已結業)

收工行經銅鑼灣，見到附近新開左一間burger鋪，價錢嚟講又唔算太貴，貪新鮮買咗嚟試吓。牛油果脆雞堡 - 比手掌仲大，份量十足，包皮大大舊又幾鬆軟。番茄同洋蔥好新鮮爽口，牛油果大大舊厚切好creamy，另外仲塗咗多一層牛油果醬，包保啖啖都食得到。中間嘅脆雞比較乾身唔油膩，炸粉都唔算好厚啱啱好。洋蔥圈 - 雖然比較細舊但好香脆，炸粉完美地包圍住洋蔥絲無外露。白桃烏龍茶 - 茶底好香好濃，飲落有陣清香嘅果甜味解膩一流。