影片
更多
2010-03-11
174 瀏覽
過往團年飯多光顧相熟酒家, 今年諗住試下新野啦, ５星級酒店既食肆，品質應該有保障，點知選左間黑店！！！之前訂位由經理介紹，訂了四個菜：話梅雞，燒鵝併乳豬，蝦子海參，功夫星斑球．當晚一行９人７點正入席，即場點多五個菜，叫可以立刻上菜，結果等左半個鐘，先上第一個菜：蝦子海參．一望，心裡涼了半截，碟海參得７－８小件，每人一件都唔夠，你會點做？梗係等多幾個菜至起筷！結果，等左４０分鐘，摧左幾次至上得個４個菜；個個菜話係例牌，但其實同四小碟無分別，都係細到一人夾一次都無，細碟都唔好細得咁離譜呀！最慶係叫白飯，摧左４次都未到，搞到ｄ老人家好勞氣，黎到ｄ飯凍既，又裝到一忽忽好難看！結果，成個鐘頭後，只係食左四小碟同白飯，預訂既話梅雞，燒鵝併乳豬，功夫星斑球同個素菜都未到；預訂都係咁，唔預訂我諗要３個鐘！最後都唔知摧左幾多次，終於上齊菜：蝦子海參 － 細碟到我都唔好意思夾，驚ｄ長輩無得夾；瑤柱豆苗 － 個汁好咸；蒜片牛柳粒 － 好細碟；ｄ牛柳細粒到好似肉鬆咁；清炒河蝦仁 － 我都知河蝦比海蝦係會細隻ｄ，但我成日食呢個菜，都無佢咁細隻；佢ｄ蝦仁真係細到呢，大排檔廿幾蚊碟既楊州炒飯ｄ蝦都大過佢，最重要係
之前訂位由經理介紹，訂了四個菜：話梅雞，燒鵝併乳豬，蝦子海參，功夫星斑球．
當晚一行９人７點正入席，即場點多五個菜，叫可以立刻上菜，結果等左半個鐘，先上第一個菜：蝦子海參．一望，心裡涼了半截，碟海參得７－８小件，每人一件都唔夠，你會點做？梗係等多幾個菜至起筷！結果，等左４０分鐘，摧左幾次至上得個４個菜；個個菜話係例牌，但其實同四小碟無分別，都係細到一人夾一次都無，細碟都唔好細得咁離譜呀！
最慶係叫白飯，摧左４次都未到，搞到ｄ老人家好勞氣，黎到ｄ飯凍既，又裝到一忽忽好難看！
結果，成個鐘頭後，只係食左四小碟同白飯，預訂既話梅雞，燒鵝併乳豬，功夫星斑球同個素菜都未到；預訂都係咁，唔預訂我諗要３個鐘！
最後都唔知摧左幾多次，終於上齊菜：
蝦子海參 － 細碟到我都唔好意思夾，驚ｄ長輩無得夾；
瑤柱豆苗 － 個汁好咸；
蒜片牛柳粒 － 好細碟；ｄ牛柳細粒到好似肉鬆咁；
清炒河蝦仁 － 我都知河蝦比海蝦係會細隻ｄ，但我成日食呢個菜，都無佢咁細隻；佢ｄ蝦仁真係細到呢，大排檔廿幾蚊碟既楊州炒飯ｄ蝦都大過佢，最重要係熟到“ＵＮ”，咁例牌既菜都整成咁，真係可以收檔！
金銀蛋菠菜 － 普通
燒鵝併乳豬 － 得六件乳豬七件燒鵝，重係凍既（但係要用成個幾鐘整，你話佢整咩）；
功夫星斑球 － 其實係粉絲蒸斑球，功咩夫？斑球又完全無味；
話梅雞 － 算係最似樣；因為連煲上，所以夠熱；
重有兩個素菜
成個場得六七圍人，但見到三四枱都有投訴，有一圍人成個鐘至上第一個菜(重要係預訂左既酒席)
最後幫我地切生日餅，切到大小不一，件餅又散，上面Ｄ士多啤梨又跌哂落隻碟到，重好意思收我切餅費！
９個人９個菜無理由唔夠呀？結果要食埋自己帶去既生日餅先夠飽！
總結： 埋單２千幾蚊！你話好食，貴Ｄ都無所謂，但我好肯定隨便一間酒家都好食過佢！貼錢買難受！我埋單時同經理講：呢餐係我食過既晚飯中，最不值及最受氣的晚飯！！！
張貼