Monster Sushi (已結業)

一早訂左枱，但門外勁多人等位，都要等一陣先安排到枱。店其實很細，所以都幾迫下，同隔離枱手貼手，無乜私隱。點菜紙有幾張，選擇算多。有張期間限定嘅餐牌，不過全部售罄。落完紙，啲野都幾快到，侍應上碟ok有禮貌，無放低即走。軍艦，賣相一般啦，但新鮮好味。甜蛋卷，有好多層，軟身，甜度亦適中，但唔熱唔凍好似唔知點咁，怪怪地。吞拿魚海膽小卷，好新鮮，碎吞拿魚好肥美，入口溶化，正。芒果船，芒果有點酸，加埋甜嘅沙律醬又幾夾。三文魚壽司就一般啦。牛油果吞拿魚軍艦，牛油果太少，有點失望。蔬菜天婦羅，新炸起，很熱又不油膩，唔錯。侍應沖茶同收碟都幾密，但店很細又客多，都幾糟，環境一般。