大隻佬麵家 (已結業)

咁啱工就喺附近，經過橫街見到呢間外面有好多明星合照嘅小店，就好奇睇睇個餐牌，發現大部份都係撈麵，好似幾特別咁，於是就決定試吓啦。唔知係老闆定員工，都真係有一個大隻佬，同餐廳名一樣真係冇呃人老闆推薦我哋食招牌菜，其中一個係秘製豉油撈麵，另一個係金沙豉油撈麵。金莎豉油撈麵其實就係將啲魚磨成碎， 變成好似金黃色嘅粉，豉油面底都夠入味，有啲咬口，食落有少少似蝦子麵，不過我個人覺得有少少齋。呢個秘製撈河，先唔講味道，個賣相都有啲嚇親人，一嚟到嘅時候都呆左呆，心諗呢碗就已經值$52啦？食落去個味都唔差嘅，但係唔會話好好食，有肉絲、叉燒、冬菇做配料，不過就算一次唔會再去食