萬芳冰室 (建德街)

營業中

休息中

每次講起炸雞脾一定諗起萬芳冰室又或者係三多，後者就成日食，前者就未食過啦，今日入嚟元朗梗係要試試呢間萬芳冰室先啦，要排隊都已經係意料中嘅事，不過都唔算等得好耐，一坐低就即刻話炸雞髀配沙律啊唔該，再咗杯紅豆冰，簡直係極之邪惡！！唔使一陣間個炸雞髀就上嚟啦，個炸雞髀齋望落去又真係好大隻，即刻用刀切左切，佢啲油多到呢，雖則係炸雞髀姐，但係同我平時食開嘅炸雞髀嘅油份相比佢真係出色呀！除咗多油之外我唔覺得有啲咩特別，啲沙律都仲好似有少少亦味，杯紅豆冰就冇乜特別啦，順帶一提鋪頭有勁多烏蠅飛來飛去，嚴重影響食慾🙅🏻‍♀️🙅🏻‍♀️🙅🏻‍♀️雖然係出名姐，但都要理下啲衛生先好喎！！