影片
更多
2022-01-05
414 瀏覽
公司附近好多高質中菜，依一日打算試下依間係Openrice好多好評但又咁啱未試過嘅餐廳。同行友人到咗先，餐廳安排咗角落頭位，但一坐低除口罩已經一大朕噏味⋯唔知係因為空氣唔流通定係點，平時都會覺得唔聚材，更何況最近第五波hom hom聲來緊，會更加擔心衛生情況。本身都打算由佢，但一望啲酒櫃，竟然有蜘蛛網！決定叫佢安排調個位，坐番出少少，係好似感覺好啲，但因為都係坐喺酒櫃附近都係見到蜘蛛網🥲我地叫左一個4人餐同幾樣小食，老實講價錢都正正常常，銅鑼灣利園依一帶價錢都係咁上下。值得一讚嘅係脆皮麻辣燒賣真係幾好食，不過個人覺得佢真係更加適合喺街邊啲小食店出現。另外野菌燒汁牛柳粒炒得好好，啲牛好嫩，味道都幾好。依兩樣叫做加番少少分🥲其他菜式極度中規中矩，好好食就一定唔係架喇，但你話佢好難食又唔係，總之依個價錢係附近會食到更加好食嘅中菜咁囉。去到甜品個part，哇個二鍋頭蛋散，我都未見過可以成張枱嘅人食左一啖就皺晒眉頭擺番低，佢有一種好奇怪嘅味，可能係expect左有酒味，但佢嘅酒味相信喺整嘅過程中已經蒸發哂，只有一朕好似桂花糖，但又唔exactly係桂花糖嘅味，有強烈嘅期望落差。然後個宮庭玉璽應該
同行友人到咗先，餐廳安排咗角落頭位，但一坐低除口罩已經一大朕噏味⋯唔知係因為空氣唔流通定係點，平時都會覺得唔聚材，更何況最近第五波hom hom聲來緊，會更加擔心衛生情況。本身都打算由佢，但一望啲酒櫃，竟然有蜘蛛網！決定叫佢安排調個位，坐番出少少，係好似感覺好啲，但因為都係坐喺酒櫃附近都係見到蜘蛛網🥲
我地叫左一個4人餐同幾樣小食，老實講價錢都正正常常，銅鑼灣利園依一帶價錢都係咁上下。值得一讚嘅係脆皮麻辣燒賣真係幾好食，不過個人覺得佢真係更加適合喺街邊啲小食店出現。另外野菌燒汁牛柳粒炒得好好，啲牛好嫩，味道都幾好。依兩樣叫做加番少少分🥲其他菜式極度中規中矩，好好食就一定唔係架喇，但你話佢好難食又唔係，總之依個價錢係附近會食到更加好食嘅中菜咁囉。
去到甜品個part，哇個二鍋頭蛋散，我都未見過可以成張枱嘅人食左一啖就皺晒眉頭擺番低，佢有一種好奇怪嘅味，可能係expect左有酒味，但佢嘅酒味相信喺整嘅過程中已經蒸發哂，只有一朕好似桂花糖，但又唔exactly係桂花糖嘅味，有強烈嘅期望落差。
然後個宮庭玉璽應該係紅棗糕，大家comment都各有唔同，有人可能唔中意紅棗味所以就覺得唔好食，但都有人話佢正正常常。
其實我第一次係度寫食評，因為佢實在有樣嘢太fail。當日已經覺得服務唔太好，例如你會明顯感覺到佢會明明幫我地枱斟緊茶，因為我坐喺枱嘅另一邊，我個杯明明空左，佢會選擇扮睇唔到唔斟🥲咁當然好小事，我可以自己來，但都會覺得有啲感覺差。
另外係收錢方面。我地一行6人，佢竟然收左我地26個茶位，當日成班人食係無人好仔細check單，但岩岩睇番見到茶位費總數係5百幾嘅時候真係好震驚，會唔會錯得太離譜？
真心同棟好多餐廳，附近都好多好食嘅中菜，佢overall令我覺得完全唔會再食，或者如有有人想試嘅話，我會建議你無謂，如果你真係好想試下嘅話，我會希望你用平常心，唔好比太大期望就唔會失望🥲🥲🥲
張貼