秋嵐日本料理

營業中

休息中

已經聽咗好多人講呢一間嘅牛脷係神級水準，今日終於有機會黎會一會佢。我揀咗第二貴嘅本店名物：極味厚切牛舌定食，目測差唔多個個都叫呢一款定食。先聲奪人嘅就係佢嘅份量，真係多到一個點，感覺上一份定食就已經用咗起碼一條牛脷。牛脷嘅外層煎到好香，牛脷心就做到粉紅色啱啱熟，所以咬落唔會覺得好韌。仲會跟多一份咖哩牛脷，似係啲半下欄位唔好浪費所以做埋咖哩佢，呢個會煮得再淋啲。個定食另外仲會跟多一個麵豉湯一碗日式蒸蛋同埋一份沙律菜仲有一小粒甜品，粒甜品都幾好食。