2+2 café & bar (已結業)

生日飯試新嘢，由日式Yama轉左西式2+2cafe & bar，想講Yama結業好可惜，希望遲啲係酒店再重現。講返新餐廳先，裝修冇變，環境及服務令人舒服感覺，菜式同樣好食，只係bar枱位置比較嘈，但整體不影響。松葉蟹肉甘蝦海膽牛油果沙律用生菜包起來食，味道鮮甜清新，好醒胃，廚師已包好一個做樣本可以先打卡啊！但我手快快吃掉了!火焰龍蝦干邑濃湯龍蝦好鮮甜彈牙，味道好濃郁又夠熱，配上牛油麵包好好味。鮮番茄松葉蟹樱花蝦方形意大利麵又係一道鮮甜味美菜式，材料新鮮不用多講，番茄份量調得剛剛好，不會太乾入口滑滑的。拓牌烤原隻蒜香有機玉米雞飼養81天有機雞，肉質好鮮嫩，入口滑嘟嘟，但味道略嚴淡些，後來我跟侍應反映後，廚房即時調較一杯較濃郁嘅汁，味道立即提升返！果然有服務。意大利咖啡芝士朱古力最後來個打卡甜品，呢個一定要試，入口好滑不會過甜，食完咸野再食佢真係滿足哂！