影片
更多
2018-08-26
610 瀏覽
今個星期六晚肥妹仔去咗灣仔嘅安樂里去食一間隱世串燒店，入面嘅裝修好有日式風味，牆上放咗好多日式嘅酒樽， 仲有兩隻好可愛嘅貓， 真係令人賞心悅目。雞腎串 $28/2雞膝脆骨串 $28/2煙肉韭菜花串 $28/2先講佢個雞腎串，雞腎燒到非常脆口，保留咗雞腎嗰種爽脆嘅口感。佢冇咩醃料味，只係輕輕係雞腎上面灑咗一層鹽，但係肥妹仔我都覺得已經好夠味。雞膝脆骨串， 好似食緊雞軟骨咁，食落去脆卜卜，燒到非常香口，外表微脆，呢間舖頭燒內臟係燒得好好食!!!煙肉韭菜花串係將煙肉捲著韭菜花一齊燒，佢嘅韭菜花燒到好脆口，但係唔會好乾，仲有水分喺入面!煙肉唔會好鹹，包埋韭菜花食好香韭菜獨特嘅香味。松葉蟹肉蟹子飯 $78碗飯上枱嘅時候係冒煙，熱辣辣好好食。最主要嘅材料係有松葉蟹肉，蟹柳同蟹籽，仲有一啲生菜絲， 撈勻一齊食好濃蟹味， 鮮味十足。糯米釀無骨雞翼 $68呢隻雞翼超好食!佢嘅雞翼已經起咗骨，外表燒到好脆，入邊塞滿咗糯米飯，糯米飯外表都燒到好脆好香口!而佢嘅雞肉係有醃過嘅，微辣，食落去好惹味。凍百利甜酒朱古力 $58好濃百利酒味，朱古力味亦都好出，肥妹仔我覺得屬於比較偏甜果種，等埋冰溶咗再飲無咁甜仲
今個星期六晚肥妹仔去咗灣仔嘅安樂里去食一間隱世串燒店，入面嘅裝修好有日式風味，牆上放咗好多日式嘅酒樽， 仲有兩隻好可愛嘅貓， 真係令人賞心悅目。
雞腎串 $28/2
雞膝脆骨串 $28/2
煙肉韭菜花串 $28/2
先講佢個雞腎串，雞腎燒到非常脆口，保留咗雞腎嗰種爽脆嘅口感。佢冇咩醃料味，只係輕輕係雞腎上面灑咗一層鹽，但係肥妹仔我都覺得已經好夠味。
雞膝脆骨串， 好似食緊雞軟骨咁，食落去脆卜卜，燒到非常香口，外表微脆，呢間舖頭燒內臟係燒得好好食!!!
煙肉韭菜花串係將煙肉捲著韭菜花一齊燒，佢嘅韭菜花燒到好脆口，但係唔會好乾，仲有水分喺入面!煙肉唔會好鹹，包埋韭菜花食好香韭菜獨特嘅香味。
松葉蟹肉蟹子飯 $78
碗飯上枱嘅時候係冒煙，熱辣辣好好食。最主要嘅材料係有松葉蟹肉，蟹柳同蟹籽，仲有一啲生菜絲， 撈勻一齊食好濃蟹味， 鮮味十足。
糯米釀無骨雞翼 $68
呢隻雞翼超好食!佢嘅雞翼已經起咗骨，外表燒到好脆，入邊塞滿咗糯米飯，糯米飯外表都燒到好脆好香口!而佢嘅雞肉係有醃過嘅，微辣，食落去好惹味。
凍百利甜酒朱古力 $58
好濃百利酒味，朱古力味亦都好出，肥妹仔我覺得屬於比較偏甜果種，等埋冰溶咗再飲無咁甜仲加好飲。
Rose latte $42
好香咖啡同牛奶味，飲落去好滑，奶泡打得好細，咖啡味都算出。lai 奶泡上重鋪咗玫瑰花瓣碎， 飲落去雖然冇咩玫瑰味，但係以一杯拿鐵嚟講水準都好高。
張貼
