至尊滿屋日本料理 (已結業)

喺旺角實在太多間日式放題店，想搵間性價比高又唔會食到肚痛嘅都有啲難，今晚挑戰依間，豬朋友話佢有質素。佢有非常之多嘅食品選擇生熟食物都有，似乎熟食嘅選擇有非常之多。佢仲有清酒同埋梅酒任飲佢個手卷真係超級迷你一啖一個都幾有趣有多款刺身可以選擇，但係我哋坐低冇耐佢哋就上咗依一個刺身拼盤，三文魚冇死厚切肥美，希靈魚都唔錯，油甘魚都幾好。但係啲蝦呢就去㝅得唔係咁好啦，爛爛地咁。帶子就細細粒啦。壽司一般啦，比起街外嘅平價壽司都叫做有D質素但係個壽司飯似乎唔係用醋飯做嘅。