熊小館 (已結業)

今天同老公拎咗好多食物入將軍澳比阿媽，因為老人家冇打針，好多野都買唔到。之後我哋去咗新都城行吓，見到有間以熊熊為主題的餐廳， 叫做熊小館，老公話我哋之前去九龍灣MegaBox食過，味道唔錯，今晚就係度食晚餐試吓！餐廳內每一個角落都有熊熊公仔，尤其近門口位置擺放的小熊比較大隻，有小朋友開開心心地打卡，每張餐枱也放有一隻可愛的小熊陪件客人用餐，增添不少樂趣！鐵板餐包咗餐湯，蒜蓉包和飲品，餐湯係羅宋湯，味道濃郁香甜。蒜蓉包香脆，飲品黑熊即是朱古力雪糕加可樂，內有一個熊仔冰塊，令這杯飲品增添不少美感！另一杯係爆谷紅豆冰，可惜爆谷賣晒！品嚐唔到效果！扒迷迭香羊扒.煙腩片伴香草茄蓉汁：迷迭香是種很神奇的香料，香味十分獨特，與羊肉很絕配，羊扒七成熟，中間程粉紅色，肉質鮮嫩。加上香草茄蓉汁，味道香甜更美味。配菜方面煙肉香，薯蓉口感幼滑，薯蓉綿滑，粟米粒甜美，蘆筍爽口。鐵板什扒：有豬扒、雞扒、煙肉、煎蛋。熱辣辣的鐵板在倒下黑椒汁時咋的一聲，香味四溢，熱氣迫人。豬扒雞扒份量十足，厚切夠大塊，配黑椒汁好惹味！玫瑰法式燉蛋白：滑溜內餡配上烘烤的金黃酥脆焦糖上層，這迷人甜蜜的香氣幾乎沒有人能抵擋。