金記冰室 (新都城中心二期) (已結業)

晚飯時間未到又餓餓地，入金記醫下肚先。生炸雞脾配即食麵。雞脾炸到啱啱好，香脆肉嫩。公仔麵麵質偏硬身，但我本身就鍾意食生啲。所以啱啱好，再配上最愛辣椒油，完美配搭。原本以為得公仔麵，點知仲有配烚蛋火腿沙律份量十足。朋友食雜扒餐，鐵板上熱辣辣。入面有雞扒、豬扒、牛扒、煙肉、腸仔。揀咗黑椒汁同薯菜。特別要提一提雞扒，表皮香脆，肉質嫩。正。滿足咗鹹嘅胃，係時間到甜品。金粒西多配雪糕一口一粒嘅西多，配上糖漿。外脆內軟，甜甜嘅味道。呍呢拿雪糕亦非常夾。